ಅಂಕೋರೆಜ್‌(ಅಲಾಸ್ಕಾ): ಅಮೆರಿಕಾದ ಅಲಾಸ್ಕಾದಲ್ಲಿ ಮಂಗಳವಾರ ಪ್ರಬಲ ಭೂಕಂಪ ಸಂಭವಿಸಿದ್ದು, ರಿಕ್ಟರ್ ಮಾಪಕದಲ್ಲಿ ಕಂಪನದ ತೀವ್ರತೆ 8.2ರಷ್ಟು ದಾಖಲಾಗಿದೆ.
ಇಲ್ಲಿಂದ 175 ಮೈಲುಗಳ ದೂರದಲ್ಲಿರುವ ಅಲಾಸ್ಕಾ ಕರಾವಳಿಯ ಕೋಡಿಯಾಕ್ ನಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ್ದು, ಸುನಾಮಿ ಎಚ್ಚರಿಕೆ ನೀಡಲಾಗಿದೆ.
ಯಾವುದೇ ಸಾವು ನೋವು ಸಂಭವಿಸಿದ ಬಗ್ಗೆ ಇದುವರೆಗೆ ವರದಿಯಾಗಿಲ್ಲ.
ಅಲಾಸ್ಕಾದಲ್ಲಿ ಲಘು ಹಾಗೂ ಪ್ರಬಲ ಭೂಕಂಪ ಸಂಭವಿಸುವುದು ಸಾಮಾನ್ಯ. ಕೆಲವೊಮ್ಮೆ ಇಲ್ಲಿ 7.9ರಷ್ಟು ತೀವ್ರತೆಯ ಭೂಕಂಪನವಾಗುವುದೂ ಉಂಟು. ಆದರೆ ಇಂದು ಸಂಭವಿಸಿದ ಕಂಪನ ‘ದಶಕದಲ್ಲೇ ಪ್ರಬಲ’ವಾದುದು ಎನ್ನಲಾಗಿದೆ.
