ಸೆಂತೊಸಾ: ಜಿ-7 ರಾಷ್ಟ್ರಗಳ ಶೃಂಗಸಭೆ ವೇಳೆಯಲ್ಲಿ ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಾಗೂ ಜರ್ಮನಿಯ ಛಾನ್ಸಲರ್ ಏಂಜೆಲಾ ಮಾರ್ಕೆಲ್ ಅವರ ದೇಹಭಾಷೆಯ ಪೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಇವರಿಬ್ಬರ ನಡುವೆ ಅತಿ ಸಲುಗೆ ಇರುವಂತೆ ಈ ಪೋಟೋದಲ್ಲಿ ಕಂಡುಬಂದಿತ್ತು.
ಪೋಟೋದಲ್ಲಿರುವಂತೆ ಡೊನಾಲ್ಡ್ ಟ್ರಂಪ್, ಕೆಳಗಡೆಯ ಕುರ್ಚಿಯೊಂದರ ಮೇಲೆ ಕೈ ಕಟ್ಟಿ ಕುಳಿತಿದ್ದು, ಮಾರ್ಕೆಲ್ ನಿಂತಿದ್ದಾರೆ. ವಿವಿಧ ರಾಷ್ಟ್ರಗಳ ಮುಖಂಡರು ಸಹ ನಿಂತಿದ್ದು, ಟ್ರಂಪ್ ಅವರ ಕಣ್ಣುಗಳು ಹೊಳೆಯುವಂತೆ ಭಾಸವಾಗುತ್ತಿದೆ. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಚರ್ಚೆ ನಡೆದಿತ್ತು.
ಸಿಂಗಾಪುರದಲ್ಲಿ ಸೆಂತೊಸಾದಲ್ಲಿಂದು ಈ ಪೋಟೋ ಕುರಿತಂತೆ ಮಾತನಾಡಿದ ಡೊನಾಲ್ಡ್ ಟ್ರಂಪ್, ಜಿ-7 ಉತ್ತಮ ಸ್ನೇಹಿತರಾಗಿದ್ದು, ಕಳೆದ ವಾರ ಉತ್ತಮ ಮಾತುಕತೆ ನಡೆದಿದೆ. ಆ ರಾಷ್ಟ್ರಗಳ ನಾಯಕರಿಂದ ನಾವೆಲ್ಲರೂ ಅನುಕೂಲ ಪಡೆದುಕೊಂಡಿರುವುದಾಗಿ ತಿಳಿಸಿದರು.
