ಮೋದಿ ಬೈದು, ಮನೋರಂಜನಾ ಕ್ಷೇತ್ರದಿಂದ ಕಾಲ್ಕಿತ್ತ ಪಾಕ್ ಸಿಂಗರ್!

ಇಸ್ಲಾಮಾಬಾದ್: ಜಮ್ಮು- ಕಾಶ್ಮೀರ ವಿಚಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಹಾವು ಹಾಗೂ ಮೊಸಳೆ ತೋರಿಸಿ ಬೆದರಿಕೆ ಹಾಕಿದ್ದ ಪಾಕಿಸ್ತಾನದ ಸಿಂಗರ್  ರಬಿ ಪಿರ್ಜಾಡಾ ಇದೀಗ ಮನೋರಂಜನಾ ಕ್ಷೇತ್ರದಿಂದಲೇ ಕಾಲ್ಕಿತ್ತಿದ್ದಾರೆ.

ಆನ್ ಲೈನ್ ನಲ್ಲಿ ಆಕೆಯ ಖಾಸಗಿ ವಿಡಿಯೋಗಳು ಸೋರಿಕೆಯಾದ ನಂತರ ಮನೋರಂಜನಾತ್ಮಕ ಉದ್ಯಮಕ್ಕೆ ಗುಡ್ ಬೈ ಹೇಳಲು ನಿರ್ಧರಿಸಿದ್ದಾರೆ.

ಅಲ್ಲಾಹು, ನನ್ನ ಪಾಪಗಳನ್ನು ಕ್ಷಮಿಸಿ, ನನ್ನ ಅಭಿಮಾನಿಗಳ ಹೃದಯವನ್ನು ಮೃದುಗೊಳಿಸಿ, ಮನರಂಜನಾತ್ಮಕ ಉದ್ಯಮದಿಂದ ಹಿಂದೆ ಸರಿಯುತ್ತಿರುವುದಾಗಿ ರಬಿ ಪಿರ್ಜಾಡಾ ಟ್ವೀಟ್ ಮಾಡಿದ್ದಾರೆ.

ಕಳೆದ ವಾರ ಆಕೆಯ ಖಾಸಗಿ ವಿಡಿಯೋಗಳು ಆನ್ ಲೈನ್ ನಲ್ಲಿ ಸೋರಿಕೆಯಾದ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್ ಗೆ ಗುರಿಯಾಗಿದ್ದರು . ಈ ವಿಡಿಯೋ ಸೋರಿಕೆಗೆ ಸಂಬಂಧಿಸಿದಂತೆ ರಬಿ ಪೆಡರಲ್ ತನಿಖಾ ಏಜೆನ್ಸಿಗೆ ದೂರು ಸಲ್ಲಿಸಿದ್ದಾರೆ ಎಂಬುದು ಮೂಲಗಳಿಂದ ತಿಳಿದುಬಂದಿದೆ.