ಭಾರತದಿಂದ ನೀರು ಬಿಡುಗಡೆ: ಪಾಕಿಸ್ತಾನಕ್ಕೆ ಪ್ರವಾಹ ಭೀತಿ 

ಇಸ್ಲಾಮಾಬಾದ್: ಭಾರತದಿಂದ ಬಿಡುಗಡೆಯಾಗುತ್ತಿರುವ ನೀರು ಪಾಕಿಸ್ತಾನದಲ್ಲಿ ಪ್ರವಾಹದ ಭೀತಿಯನ್ನುಂಟುಮಾಡಿದೆ. 

ಪಾಕಿಸ್ತಾನದ ಖೈಬರ್ ಪಂಖ್ತುಂಕ್ವಾದ ಪ್ರಾಂತ್ಯದಲ್ಲಿರುವ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಈ ಬಗ್ಗೆ ಮಾಹಿತಿ ಬಿಡುಗಡೆ ಮಾಡಿದ್ದು, ಆಲ್ಚಿ ಡ್ಯಾಮ್ ನಿಂದ ಭಾರತ ಬಿಡುಗಡೆ ಮಾಡುತ್ತಿರುವ ನೀರು ಪಾಕಿಸ್ತಾನದಲ್ಲಿ ಪ್ರವಾಹದ ಪರಿಸ್ಥಿತಿಯನ್ನುಂಟುಮಾಡಿದೆ. 

ಆಲ್ಚಿ ಡ್ಯಾಮ್ ವಿಶ್ವದ ಅತಿ ಎತ್ತರದ ಅಣೆಕಟ್ಟೆಯಾಗಿದ್ದು, ಜಮ್ಮು-ಕಾಶ್ಮೀರದ ಲೇಹ್ ನಲ್ಲಿದೆ. ಆಲ್ಚಿ ಡ್ಯಾಮ್ ನಿಂದ ಬಿಡುಗಡೆಯಾಗುವ ನೀರು ಪಾಕ್ ತಲುಪಲು 12 ಗಂಟೆಗಳು ಬೇಕಿದ್ದು, ಪಾಕಿಸ್ತಾನದ ಅಬೋಟಾಬಾದ್ ಸೇರಿದಂತೆ ಕೆಲವು ಪ್ರದೇಶಗಳಲ್ಲಿ ಮುನ್ನೆಚ್ಚರಿಕಾ ಕ್ರಮ ಕೈಗೊಳ್ಳಲಾಗಿದೆ.