ಬ್ರಿಟನ್ ರಾಜಮನೆತನದ ಪ್ರಿನ್ಸ್ ಚಾರ್ಲ್ಸ್ ಗೆ ಕೊರೋನಾ ವೈರಸ್ ಸೋಂಕು! 

ಇಂಗ್ಲೆಂಡ್: ಇಂಗ್ಲೆಂಡ್ ನಾದ್ಯಂತ 424 ಜನರನ್ನು ಬಲಿತೆಗೆದುಕೊಂಡಿರುವ ಜಾಗತಿಕ ಮಹಾಮಾರಿ ಕೊರೋನಾ ವೈರಸ್ ಬ್ರಿಟನ್ ರಾಜಮನೆತನವನ್ನೂ ಹೊಕ್ಕಿದೆ. 

ಇಂಗ್ಲೆಂಡ್ ನ ಪ್ರಿನ್ಸ್ ಚಾರ್ಲ್ಸ್ (71) ಗೆ ಕೊರೋನಾ ವೈರಸ್ ಸೋಂಕು ತಗುಲಿರುವುದು ವೈದ್ಯಕೀಯ ವರದಿಯಿಂದ ದೃಢಪಟ್ಟಿದೆ ಎಂದು ಕ್ಲಾರೆನ್ಸ್ ಹೌಸ್ ತಿಳಿಸಿದೆ. ಸ್ಕಾಟ್ ಲ್ಯಾಂಡ್ ನಲ್ಲಿರುವ ತಮ್ಮ ಎಸ್ಟೇಟ್ ನಲ್ಲಿ ಪತ್ನಿ ಜೊತೆ ವಾಸವಿರುವ ಪ್ರಿನ್ಸ್ ಚಾರ್ಲ್ಸ್ ಗೆ ಸಣ್ಣ ಪ್ರಮಾಣದ ಕೊರೋನಾ ರೋಗಲಕ್ಷಣಗಳು ಕಾಣಿಸಿವೆ ಉಳಿದಂತೆ ಅವರು ಆರೋಗ್ಯವಾಗಿದ್ದಾರೆ, ಎಂದಿನಂತೆ ಮನೆಯಿಂದಲೇ ಕೆಲಸ ಮಾಡುತ್ತಿದ್ದಾರೆ ಎಂದು  ಕ್ಲಾರೆನ್ಸ್ ಹೌಸ್ ತಿಳಿಸಿದೆ. 
  
ಚಾರ್ಲ್ಸ್ ಜೊತೆಗಿದ್ದ ಅವರ ಪತ್ನಿ ಕ್ಯಾಮಿಲ್ಲಾ ಅವರನ್ನೂ ವೈದ್ಯಕೀಯ ತಪಾಸಣೆಗೆ ಒಳಪಡಿಸಲಾಗಿದ್ದು, ವರದಿ ನೆಗೆಟೀವ್ ಬಂದಿದೆ. ಆದರೆ ಇಬ್ಬರೂ ಸಹ ಸ್ಕಾಟ್ಲೆಂಡ್ನ ಬಾಲ್ಮೋರಲ್ನಲ್ಲಿರುವ ತಮ್ಮ ಮನೆಯಲ್ಲಿ ಕ್ವಾರಂಟೈನ್ ನಲ್ಲಿದ್ದಾರೆ.