ನ್ಯೂಸ್ ಲೈವ್ ನಲ್ಲಿ ಬಾಯಿಗೆ ನೊಣ ಬಿದ್ದರೆ ಪರಿಸ್ಥಿತಿ ಏನಾಗಬಹುದು: ಈ ವಿಡಿಯೋ ನೋಡಿ!

ಟೊರೊಂಟೊ(ಕೆನಡಾ): ಪಾಕಿಸ್ತಾನದ ಪ್ರವಾಹದ ಕುರಿತು ಸುದ್ದಿ ನಿರೂಪಕಿ ಫರ್ರಾ ನಾಸರ್ ಟಿವಿಯಲ್ಲಿ ಲೈವ್ ಕೊಡುತ್ತಿದ್ದಾಗಲೇ ನೊಣವನ್ನು ನುಂಗಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಟಿವಿ ಮೂಲಕ ತಮ್ಮನ್ನು ಲಕ್ಷಾಂತರ ಜನ ನೋಡುತ್ತಿರುತ್ತಾರೆ ಎಂಬ ಪ್ರಜ್ಞೆಯಿಂದ ಗ್ಲೋಬಲ್ ನ್ಯೂಸ್ ಟೊರೊಂಟೊದ ಪತ್ರಕರ್ತೆ ಬಾಯಿಗೆ ನೊಣ ಬಿದ್ದರೂ ಇದನ್ನು ನುಗ್ಗಿಕೊಂಡು ವರದಿಯನ್ನು ಮುಂದುವರಿಸುವಲ್ಲಿ ಯಶಸ್ವಿಯಾದರು.

ಪಾಕಿಸ್ತಾನದಲ್ಲಿ ಭೀಕರ ಮಳೆಯಿಂದ ಉಂಟಾದ ಪ್ರವಾಹ ಪರಿಸ್ಥಿತಿಯ ಕುರಿತಂತೆ ಲೈವ್ ರಿಪೋರ್ಟ್ ಕೊಡುತ್ತಿರುವಾಗಲೇ ಈ ಘಟನೆ ನಡೆದಿದೆ. 

ಈ ವಿಡಿಯೋವನ್ನು ಸ್ವತಃ ನಿರೂಪಕಿ ಫರ್ರಾ ನಾಸರ್ ಅವರನೇ ಟ್ವೀಟ್ ಮಾಡಿದ್ದು ಈ ದಿನಗಳಲ್ಲಿ ನಮಗೆಲ್ಲರಿಗೂ ನಗು ಬೇಕಿದೆ. ಅದಕ್ಕಾಗಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದೇನೆ ಎಂದು ಟ್ವೀಟಿಸಿದ್ದಾರೆ.