ವಾಷಿಂಗ್ ಟನ್: ಹೆಚ್-1 ಬಿ ವೀಸಾ ವ್ಯವಸ್ಥೆಯನ್ನು ಒಪ್ಪಂದದ ಜೀತಪದ್ಧತಿ ಎಂಬ ಅರ್ಥದಲ್ಲಿ ಮಾತನಾಡಿರುವ ಅಮೇರಿಕಾದ ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷೀಯ ಸ್ಪರ್ಧೆ ಆಕಾಂಕ್ಷಿ ವಿವೇಕ್ ರಾಮಸ್ವಾಮಿ, ಲಾಟರಿ ಆಧರಿತ ವ್ಯವಸ್ಥೆಯನ್ನು ಬದಲಿಸಬೇಕಿದೆ ಎಂದು ಹೇಳಿದ್ದಾರೆ.
2024 ರಲ್ಲಿ ತಾವು ಅಮೇರಿಕ ಅಧ್ಯಕ್ಷರಾದರೆ, ಅರ್ಹತೆಯ ಪ್ರವೇಶದ ಆಧಾರದಲ್ಲಿ ಹೆಚ್-1 ಬಿ ವೀಸಾ ವ್ಯವಸ್ಥೆಯನ್ನು ರೂಪಿಸಲಾಗುತ್ತದೆ ಎಂದು ಹೇಳಿದ್ದಾರೆ.
ಹೆಚ್-1 ಬಿ ವೀಸಾಗೆ ಹೆಚ್ಚಿನ ಸಂಖ್ಯೆಯಲ್ಲಿ ಭಾರತದ ಐಟಿ ಉದ್ಯೋಗಿಗಳಿಂದ ಬೇಡಿಕೆ ಇದೆ. ತಾಂತ್ರಿಕ ಪರಿಣತಿಯ ಅಗತ್ಯವಿರುವ ವಿಶೇಷ ಉದ್ಯೋಗಗಳಲ್ಲಿ ವಿದೇಶಿ ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲು US ಕಂಪನಿಗಳಿಗೆ ಅವಕಾಶ ನೀಡುವ ವಲಸೆಯೇತರ ವೀಸಾ ವ್ಯವಸ್ಥೆ ಈ ಹೆಚ್-1 ಬಿ ವೀಸಾ ವ್ಯವಸ್ಥೆಯಾಗಿದೆ.
ವಿವೇಕ್ ರಾಮಸ್ವಾಮಿ ಅವರೇ ಎಚ್-1ಬಿ ವೀಸಾ ಯೋಜನೆಯನ್ನು 29 ಬಾರಿ ಬಳಸಿದ್ದಾರೆ ಎಂಬುದು ಗಮನಾರ್ಹವಾಗಿದೆ.
ಉದ್ಯೋಗಿಗಳನ್ನು ಹೆಚ್-1 ಬಿ ವೀಸಾ ಅಡಿಯಲ್ಲಿ ನೇಮಕ ಮಾಡಿಕೊಳ್ಳುವುದಕ್ಕಾಗಿ 2018-2023 ವರೆಗೆ ವಿವೇಕ್ ರಾಮಸ್ವಾಮಿ ಅವರ ಈ ಹಿಂದಿನ ಸಂಸ್ಥೆ ರೋವಂಟ್ ಸೈನ್ಸಸ್ ನ 29 ಅರ್ಜಿಗಳಿಗೆ ಯುಎಸ್ ಪೌರತ್ವ ಮತ್ತು ವಲಸೆ ಸೇವೆಗಳ ಇಲಾಖೆ ಅನುಮೋದನೆ ನೀಡಿದೆ.
H-1B ವ್ಯವಸ್ಥೆಯು "ಒಳಗೊಂಡಿರುವ ಪ್ರತಿಯೊಬ್ಬರಿಗೂ ಕೆಟ್ಟದ್ದಾಗಿದೆ" ಎಂದು 38 ವರ್ಷದ ಬಯೋಟೆಕ್ ಉದ್ಯಮಿ ಹೇಳಿರುವುದಾಗಿ ಪೊಲಿಟಿಕೋ ವರದಿ ಪ್ರಕಟಿಸಿದೆ.
ಲಾಟರಿ ವ್ಯವಸ್ಥೆಯನ್ನು ನಿಜವಾದ ಅರ್ಹತೆಯ ಪ್ರವೇಶದಿಂದ ಬದಲಾಯಿಸಬೇಕಾಗಿದೆ. ಇದು H-1B ವಲಸಿಗರನ್ನು ಪ್ರಾಯೋಜಿಸಿದ ಕಂಪನಿಯ ಪ್ರಯೋಜನಕ್ಕೆ ಮಾತ್ರ ಸೇರಿಕೊಳ್ಳುವ ಒಪ್ಪಂದದ ಜೀತದ ಒಂದು ರೂಪವಾಗಿದೆ. ನಾನು ಅದನ್ನು ತೆಗೆದುಹಾಕುತ್ತೇನೆ, ಯುಎಸ್ ಸರಣಿ ಆಧಾರಿತ ವಲಸೆಯನ್ನು ತೊಡೆದುಹಾಕುವ ಅಗತ್ಯವಿದೆ”ಎಂದು ರಾಮಸ್ವಾಮಿ ಹೇಳಿದ್ದಾರೆ.
"ಕುಟುಂಬದ ಸದಸ್ಯರಾಗಿ ಬರುವ ಜನರು ಈ ದೇಶಕ್ಕೆ ಕೌಶಲ್ಯ ಆಧಾರಿತ ಕೊಡುಗೆಗಳನ್ನು ನೀಡುವ ಅರ್ಹ ವಲಸಿಗರಲ್ಲ ಎಂದೂ ರಾಮಸ್ವಾಮಿ ಅಭಿಪ್ರಾಯಪಟ್ಟಿದ್ದಾರೆ.
Advertisement