ನವದೆಹಲಿ: ಪಶ್ಚಿಮ ಏಷ್ಯಾದಲ್ಲಿ ಯುದ್ಧ ಆರಂಭವಾಗಿ 34ನೇ ದಿನದಂದು ಇರಾನ್ ಭಾರತಕ್ಕೆ ಮಹತ್ವದ ಸಂದೇಶವನ್ನು ರವಾನಿಸಿದೆ. ಹೋರ್ಮುಜ್ ಜಲಸಂಧಿಯಲ್ಲಿ ಏನಾಗುತ್ತದೆ ಎಂಬುದನ್ನು ಇರಾನ್ ಮತ್ತು ಓಮನ್ ನಿರ್ಧರಿಸುತ್ತಾರೆ. ಬೇರೆ ಯಾರೂ ಅಲ್ಲ ಎಂದು ಅದು ಅಮೆರಿಕ ಮತ್ತು ಅದರ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಸ್ಪಷ್ಟವಾಗಿ ತಿಳಿಸಿದೆ. ತನ್ನ ಭಾರತೀಯ ಸ್ನೇಹಿತರು ಸುರಕ್ಷಿತ ಕೈಯಲ್ಲಿದ್ದಾರೆ. ಅವರ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ ಎಂದು ಇರಾನ್ ಹೇಳಿದೆ. ಪ್ರಸ್ತುತ ನೂರಾರು ಭಾರತೀಯ ನಾಗರಿಕರು ಇರಾನ್ ಮತ್ತು ಪರ್ಷಿಯನ್ ಕೊಲ್ಲಿಯಲ್ಲಿದ್ದಾರೆ.
ದಕ್ಷಿಣ ಆಫ್ರಿಕಾದಲ್ಲಿರುವ ಇರಾನಿನ ರಾಯಭಾರ ಕಚೇರಿಯ X ಹ್ಯಾಂಡಲ್ನಲ್ಲಿ ಪೋಸ್ಟ್ಗೆ ಪ್ರತಿಕ್ರಿಯಿಸಿದ ಭಾರತದಲ್ಲಿರುವ ಇರಾನಿನ ರಾಯಭಾರ ಕಚೇರಿಯು ಹೀಗೆ ಹೇಳಿದೆ. ಇರಾನ್ ಈ ವಿಶ್ವಾಸದ ಸಂದೇಶವನ್ನು ಕಣ್ಣು ಮಿಟುಕಿಸುವ ಎಮೋಜಿಯೊಂದಿಗೆ ಸೇರಿಸಿದೆ. ದಕ್ಷಿಣ ಆಫ್ರಿಕಾದಲ್ಲಿರುವ ಇರಾನಿನ ರಾಯಭಾರ ಕಚೇರಿಯ ಪೋಸ್ಟ್ನಲ್ಲಿ, ಇರಾನ್ ಮತ್ತು ಓಮನ್ ಮಾತ್ರ ಹೋರ್ಮುಜ್ ಜಲಸಂಧಿಯ ಭವಿಷ್ಯವನ್ನು ನಿರ್ಧರಿಸುತ್ತವೆ. ನೀವು ಸುರಕ್ಷಿತ ಕೈಯಲ್ಲಿದ್ದೀರಿ, ಚಿಂತಿಸಬೇಡಿ. ಇದರೊಂದಿಗೆ ಕಪ್ಪು ಕನ್ನಡಕದೊಂದಿಗೆ ನಗುತ್ತಿರುವ ಎಮೋಜಿ ಇದೆ.
ಇರಾನ್ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್, ಹಾರ್ಮುಜ್ ಜಲಸಂಧಿಯು ಸಂಪೂರ್ಣ ನಿರ್ಣಾಯಕ ನಿಯಂತ್ರಣದಲ್ಲಿದೆ ಎಂದು ಹೇಳಿದ ನಂತರ ಇರಾನ್ ರಾಯಭಾರ ಕಚೇರಿಗಳಿಂದ ಈ ಹೇಳಿಕೆಗಳು ಬಂದಿವೆ.
Advertisement
