ಫ್ಲೋರಿಡಾ: ಫ್ಲೋರಿಡಾದಲ್ಲಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಮಾರ್-ಎ-ಲಾಗೊ ಎಸ್ಟೇಟ್ ಆವರಣಕ್ಕೆ ಅಕ್ರಮವಾಗಿ ಪ್ರವೇಶಿಸಿದ ಶಸ್ತ್ರಸಜ್ಜಿತ ವ್ಯಕ್ತಿಯನ್ನು ಸೀಕ್ರೆಟ್ ಸರ್ವಿಸ್ ಏಜೆಂಟ್ಗಳು ಗುಂಡಿಕ್ಕಿ ಕೊಂದಿದ್ದಾರೆ. ಆ ವ್ಯಕ್ತಿ ಒಂದು ಶಾಟ್ಗನ್ ಮತ್ತು ಇಂಧನ ಕ್ಯಾನ್ ನ್ನು ಹೊಂದಿದ್ದ ಎಂದು ಮೂಲಗಳು ತಿಳಿಸಿವೆ.
ಘಟನೆ ನಡೆದಾಗ ಟ್ರಂಪ್ ಅಲ್ಲಿರಲಿಲ್ಲ. ಯುಎಸ್ ಸೀಕ್ರೆಟ್ ಸರ್ವಿಸ್ ವಕ್ತಾರ ಆಂಥೋನಿ ಗುಗ್ಲಿಯೆಲ್ಮಿ X ನಲ್ಲಿ ಪೋಸ್ಟ್ನಲ್ಲಿ ಘಟನೆಯನ್ನು ದೃಢಪಡಿಸಿದ್ದಾರೆ.
"ಇಂದು ಮುಂಜಾನೆ ಮಾರ್-ಎ-ಲಾಗೊದಲ್ಲಿ ಸುರಕ್ಷಿತ ಪರಿಧಿಯನ್ನು ಅಕ್ರಮವಾಗಿ ಪ್ರವೇಶಿಸಿದ ನಂತರ ಯುಎಸ್ ಸೀಕ್ರೆಟ್ ಸರ್ವಿಸ್ ಏಜೆಂಟ್ಗಳು ಶಸ್ತ್ರಸಜ್ಜಿತ ವ್ಯಕ್ತಿಯನ್ನು ಗುಂಡು ಹಾರಿಸಿ ಕೊಂದಿದ್ದಾರೆ" ಎಂದು ಗುಗ್ಲಿಯೆಲ್ಮಿ ಹೇಳಿದ್ದಾರೆ.
ಸೀಕ್ರೆಟ್ ಸರ್ವಿಸ್ ಹೇಳಿಕೆಯಲ್ಲಿ ಈ ಘಟನೆ ಇಂದು ಬೆಳಗಿನ ಜಾವ 1.30 ಕ್ಕೆ ನಡೆದಿದೆ ಎಂದು ತಿಳಿಸಿದೆ. ಸಾವಿಗೀಡಾದ ವ್ಯಕ್ತಿ 20 ರ ಹರೆಯದವರಾಗಿದ್ದ ಎಂದು ತಿಳಿದುಬಂದಿದೆ. ಮಾರ್-ಎ-ಲಾಗೊದಲ್ಲಿ ಸುರಕ್ಷಿತ ಪರಿಧಿಗೆ ಅನಧಿಕೃತವಾಗಿ ಪ್ರವೇಶಿಸಿದ ನಂತರ ಸೀಕ್ರೆಟ್ ಸರ್ವಿಸ್ ಏಜೆಂಟ್ಗಳು ಮತ್ತು ಪಾಮ್ ಬೀಚ್ ಕೌಂಟಿ ಶೆರಿಫ್ ಕಚೇರಿಯ (PBSO) ಡೆಪ್ಯೂಟಿಯೊಬ್ಬರು ಅವರನ್ನು ಗುಂಡು ಹಾರಿಸಿದ್ದಾರೆ ಎಂದು ಹೇಳಿಕೆ ತಿಳಿಸಿದೆ.
"ಬಂಧುಗಳ ಸೂಚನೆಯ ಮೇರೆಗೆ ಗುರುತನ್ನು ಮರೆಮಾಡಲಾಗಿರುವ ವ್ಯಕ್ತಿಯನ್ನು ಮೃತಪಟ್ಟಿರುವುದಾಗಿ ಘೋಷಿಸಲಾಗಿದೆ. ಮಾರ್-ಎ-ಲಾಗೊ ಆಸ್ತಿಯ ಉತ್ತರ ದ್ವಾರದಲ್ಲಿ ಶಾಟ್ಗನ್ ಮತ್ತು ಇಂಧನ ಕ್ಯಾನ್ನಂತೆ ಕಾಣುವ ವಸ್ತುವನ್ನು ಹೊತ್ತುಕೊಂಡು ಹೋಗುತ್ತಿರುವುದನ್ನು ವ್ಯಕ್ತಿ ಗಮನಿಸಲಾಯಿತು" ಎಂದು ಸೀಕ್ರೆಟ್ ಸರ್ವಿಸ್ ತಿಳಿಸಿದೆ.
ಎನ್ಕೌಂಟರ್ ಸಮಯದಲ್ಲಿ ಯಾವುದೇ ಸಿಬ್ಬಂದಿ ಗಾಯಗೊಂಡಿಲ್ಲ ಎಂದು ಅದು ಹೇಳಿದೆ. ವ್ಯಕ್ತಿಯ ಹಿನ್ನೆಲೆ, ಕ್ರಮಗಳು, ಸಂಭಾವ್ಯ ಉದ್ದೇಶ ಮತ್ತು ಬಲಪ್ರಯೋಗ ಸೇರಿದಂತೆ ಘಟನೆಯನ್ನು ಎಫ್ಬಿಐ, ಯುಎಸ್ ಸೀಕ್ರೆಟ್ ಸರ್ವಿಸ್ ಮತ್ತು ಪಾಮ್ ಬೀಚ್ ಕೌಂಟಿ ಶೆರಿಫ್ ಕಚೇರಿ ತನಿಖೆ ನಡೆಸುತ್ತಿದೆ.
ಏಜೆನ್ಸಿ ನೀತಿಗೆ ಅನುಗುಣವಾಗಿ, ತನಿಖೆಯ ಫಲಿತಾಂಶ ಬರುವವರೆಗೆ ಭಾಗಿಯಾಗಿರುವ ಸೀಕ್ರೆಟ್ ಸರ್ವಿಸ್ ಏಜೆಂಟ್ಗಳನ್ನು ನಿಯಮಿತ ಆಡಳಿತಾತ್ಮಕ ರಜೆಯಲ್ಲಿ ಇರಿಸಲಾಗುತ್ತದೆ ಎಂದು ಅದು ಹೇಳಿದೆ.
Advertisement
