ಮಲೇಷ್ಯಾ ಮತ್ತು ಇಂಡೋನೇಷ್ಯಾಗಳು ಗಿಡ್ಡ ಜಾತಿಯ ಎರಡು ಕೊಂಬುಗಳುಳ್ಳ ಘೇಂಡಾಮೃಗಗಳಿಗೆ ಒಂದೊಮ್ಮೆ ಹೆಸರುವಾಸಿಯಾಗಿದ್ದವು. ಕೇವಲ 800 ಗ್ರಾಂ ತೂಗುವ, 1.5 ಮೀ. ಎತ್ತರ ಬೆಳೆಯಬಲ್ಲಈ ಘೇಂಡಾಮೃಗಗಳು ಈಗ ಅಳಿವಿನಂಚಿಗೆ ತಲುಪಿವೆ. ವಿಶ್ವದಲ್ಲಿ ಈಗ ಅವುಗಳ ಸಂಖ್ಯೆ 80, 90ರ ಆಸುಪಾಸಿನಲ್ಲಿದೆ.
ಸಾಮಾನ್ಯವಾಗಿ ಘೇಂಡಾಮೃಗಗಳು ಇಂಡೋನೇಷ್ಯಾದ ಸುಮತ್ರಾ, ಸಭಾ ಹಾಗೂ ಮಲೇಷ್ಯಾದ ಬೋರ್ನೆಯೋ ದ್ವೀಪದ ಗುಡ್ಡಗಾಡು ಪ್ರದೇಶದಲ್ಲಿ ಮಾತ್ರ ಕಾಣಸಿಗುತ್ತವೆ. ಇವುಗಳ ಕೊಂಬಿಗೆ ವೈದ್ಯಕೀಯವಾಗಿ ಭಾರಿ ಬೇಡಿಕೆ ಇದೆ. ಹಾಗಾಗಿ ಈ ಅಪರೂಪದ ಜೀವಿ ಬೇಟೆಗಾರರ ಗುಂಡಿಗೆ ಬಲಿಯಾಗುತ್ತಿದೆ. ಅಳಿವಿನಂಚಿನಲ್ಲಿರುವ ಅಪರೂಪದ ಘೇಂಡಾಮೃಗ ಪ್ರಭೇದವನ್ನು ಉಳಿಸಬೇಕೆಂಬುದು ಪರಿಸರ ಸಂಘಟನೆಗಳ ಕೂಗು. ಈ ಕೂಗು ಅಲ್ಲಿನ ಸರ್ಕಾರಗಳ ಕಿವಿಗೆ ಬಿದ್ದಿದೆ. ಈ ಗಿಡ್ಡಜಾತಿಯ ಘೇಂಡಾಮೃಗಗಳನ್ನು ಉಳಿಸುವ ನಿಟ್ಟಿನಲ್ಲಿ ಮಲೇಷ್ಯಾ ಹಾಗೂ ಇಂಡೋನೇಷ್ಯಾ ಸರ್ಕಾರಗಳು ಪರಸ್ಪರ ಒಪ್ಪಂದಕ್ಕೆ ಮುಂದಾಗಿವೆ.
