ನವದೆಹಲಿ: ಖ್ಯಾತ ಕಾರು ಉತ್ಪಾದನಾ ಸಂಸ್ಥೆ ಹುಂಡೈ ಮೋಟಾರ್ ಇಂಡಿಯಾದ ನವೆಂಬರ್ ತಿಂಗಳ ಮಾರಾಟ ಶೇ.1 ರಷ್ಟು ಕುಸಿತ ಕಂಡಿದೆ.
ದೇಶಿ ಮಾರುಕಟ್ಟೆಯಲ್ಲಿ ಮಾರಾಟ ಕುಸಿತಕ್ಕೆ ಸಂಸ್ಥೆ ನಿರ್ದಿಷ್ಟ ಕಾರಣ ನೀಡದೇ ಇದ್ದರೂ, ಕೇಂದ್ರ ಸರ್ಕಾರದ ನೋಟು ನಿಷೇಧ ಕ್ರಮ ಪರಿಣಾಮ ಬೀರಿರಬಹುದು ಎಂದು ಹೇಳಿದೆ.
ಸಂಸ್ಥೆ ಹೇಳಿಕೆ ಪ್ರಕಾರ ನವೆಂಬರ್ ತಿಂಗಳಲ್ಲಿ ದೇಶಿ ಮಾರುಕಟ್ಟೆಯ ಮಾರಾಟ 40,016 ಯುನಿಟ್ ಗಳಷ್ಟಿದ್ದು, 2015 ರಲ್ಲಿದ್ದ 43,651 ಯುನಿಟ್ ಮಾರಾಟಕ್ಕೆ ಹೋಲಿಸಿದರೆ ಶೇ.8.32 ರಷ್ಟು ಕುಸಿತ ಕಂಡಿದೆ. ಆದರೆ ರಫ್ತು ಪ್ರಮಾಣದಲ್ಲಿ ಶೇ.21.90 ರಷ್ಟು ಏರಿಕೆಯಾಗಿದ್ದು, 17,077 ಯುನಿಟ್ ಗಳಷ್ಟು ಕಾರುಗಳು ಮಾರಾಟವಾಗಿದೆ.