ಮುಂಬೈ: ನಿರ್ದೇಶಕ ಕಬೀರ್ ಖಾನ್ ತಮ್ಮ ಮುಂದಿನ ಚಿತ್ರ 'ಟ್ಯೂಬ್ ಲೈಟ್' ಚಿತ್ರೀಕರಣವನ್ನು ಲಡಾಕ್ ನಲ್ಲಿ ಪ್ರಾರಂಭಿಸಿದ್ದಾರೆ. ಈ ಸಿನೆಮಾದ ನಾಯಕ ನಟ ಸಲ್ಮಾನ್ ಖಾನ್.
ಚಿತ್ರೀಕರಣದ ಹೊರಾಂಗಣ ಪ್ರದೇಶದ ಫೋಟೋವೊಂದನ್ನು ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿರುವ ಕಬೀರ್, ಚಿತ್ರ ತಂಡದ ವಿವರಗಳನ್ನು ಬಿಚ್ಚಿಟ್ಟಿದ್ದಾರೆ.
"ನಾಳೆ ಇಲ್ಲಿಂದ 'ಟ್ಯೂಬ್ ಲೈಟ್' ಚಿತ್ರೀಕರಣ ಪ್ರಾರಂಭವಾಗಲಿದೆ. .. ಲಡಾಕ್. 200 ಜನರ ಚಿತ್ರತಂಡ ಚಾಲನೆಗೆ ಸಿದ್ಧವಿದೆ" ಎಂದು ಕಬೀರ್ ಬುಧವಾರ ಟ್ವೀಟ್ ಮಾಡಿದ್ದಾರೆ.