ಮುಂಬೈ: ಬಾಲಿವುಡ್ ಹಿರಿಯ ನಟ ಅಮಿತಾಬ್ ಬಚ್ಚನ್ ಅವರು ಜೇಮ್ಸ್ ಬಾಂಡ್ ರೂಪದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ನಿಯತಕಾಲಿಕೆಯೊಂದರ ಮುಖ ಪುಟದಲ್ಲಿ ಜೇಮ್ಸ್ ಬಾಂಡ್ ರೂಪದಲ್ಲಿ ಕಾಣಿಸಿಕೊಳ್ಳಲಿರುವ ಬಿಗ್ ಬಿ, ಫೋಟೋ ಶೂಟ್ ನಡೆಸಿದ್ದಾರೆ.

ಸುಂದರಿಯರು ಜೇಮ್ಸ್ ಬಾಂಡ್ ಸುತ್ತುವರೆದಿರುವ ರೀತಿಯಲ್ಲೇ ಬಿಗ್ ಬಿ ಅವರನ್ನು ಸುಂದರಿಯರು ಸುತ್ತುವರಿದಿರುವ ಪೋಟೋ ಶೂಟ್ ನಡೆಸಲಾಗಿದೆ ಎಂದು ವರದಿಗಳು ಹೇಳಿವೆ. 

ಭಾನುವಾರ ಮುಂಜಾನೆ ಈ ಫೋಟೋ ಶೂಟ್ ನಲ್ಲಿ ಭಾಗಿಯಾಗಿದ್ದೇನೆ ಎಂದು ಅಮಿತಾಬ್ ಅವರು ತಮ್ಮ ಬ್ಲಾಗ್ ನಲ್ಲಿ ಬರೆದುಕೊಂಡಿದ್ದಾರೆ. 

73 ವರ್ಷದ ಅಮಿತಾಬ್, ''ತಮ್ಮ ವಯಸ್ಸಿನವರು ಇಂತಹ ಅವಕಾಶವನ್ನು ಪಡೆಯುವುದು ಅಪರೂಪ. ನಾನು ಈ ಪಾತ್ರಕ್ಕೆ ಸರಿ ಹೋಗುವುದಿಲ್ಲ ಅನಿಸಿತ್ತು. ಆದರೆ, ಅಗಿದ್ದಾಗಲಿ ಎಂದು ಮಾಡಿಯೇ ಬಿಡೋಣ ಎಂದು ನಿರ್ಧರಿಸಿ ಫೋಟೋ ಶೂಟ್ ಮಾಡಿದ್ದೇನೆ'' ಎಂದು ಹೇಳಿದ್ದಾರೆ.