ನವದೆಹಲಿ: ತಮ್ಮ ಪ್ರತಿಭೆ, ನಟನೆ, ಸೌಂದರ್ಯದಿಂದ ಹಾಲಿವುಡ್ ಪ್ರವೇಶಿಸಿ ಯಶಸ್ಸಿನ ಉತ್ತುಂಗದಲ್ಲಿರುವ ಬಾಲಿವುಡ್  ನಟಿ ಪ್ರಿಯಾಂಕಾ ಚೋಪ್ರಾ ಇಂದು ಯೂತ್ ಐಕಾನ್ ಎಂದರೆ ತಪ್ಪಾಗಲಾರದು. ಜಾಗತಿಕ ಮಟ್ಟಕ್ಕೇರಿದ್ದಾರೆ. ಹಾಲಿವುಡ್ ನಲ್ಲಿ ಅವರ ಟಿವಿ ಧಾರಾವಾಹಿ ಕ್ವಾಂಟಿಕೊ ಮತ್ತು ಹಾಲಿವುಡ್ ಚಿತ್ರ ಬೇವಾಚ್ ಭಾರೀ ಕೀರ್ತಿ ತಂದುಕೊಟ್ಟಿದೆ.

ಇತ್ತೀಚೆಗೆ ಡಬ್ಲ್ಯು ಮ್ಯಾಗಜೀನ್ ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಅವರು, ಮಿಸ್ ವರ್ಲ್ಡ್ ಪದವಿ ಪಡೆಯುತ್ತೇನೆ ಅನ್ನುವ ನಿರೀಕ್ಷೆಯೇ ತಮಗಿರಲಿಲ್ಲ ಎನ್ನುತ್ತಾರೆ. ತಾವು ಅಮೆರಿಕದಲ್ಲಿ ಶಾಲೆಯಲ್ಲಿ ಓದುತ್ತಿದ್ದಾಗ ಜನಾಂಗೀಯ ತಾರತಮ್ಯದ ವಿರುದ್ಧ ಹೋರಾಡಿದ್ದಾಗಿ ಹೇಳಿಕೊಂಡರು.

ಡಬ್ಲ್ಯು ಮ್ಯಾಗಜೀನ್ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಪ್ರಿಯಾಂಕಾ ಹೀಗೆ ಹೇಳಿರುವುದು ಪ್ರಸಾರವಾಗಿದೆ.'' ನಾನು ಹದಿಹರೆಯವದಳಿದ್ದಾಗ ನಾನು ಗಂಡುಬೀರಿ ಥರ ಇದ್ದೆ. ದೇಹದ ಮೇಲೆ ಕಲೆಗಳಿದ್ದವು. ನನ್ನ ತೊಡೆ, ಕಾಲುಗಳ ಬಗ್ಗೆ ನನಗೇ ಮುಜುಗರವಿತ್ತು. ಏಕೆಂದರೆ ಅವು ಜಗತ್ತಿನ ಅಂತಹ ಸುಂದರ ಕಾಲುಗಳೇನೂ ಆಗಿರಲಿಲ್ಲ. ಆದರೆ ಕ್ರಮೇಣ ನನಗೆ ದೇಹ ಸೌಂದರ್ಯದ ಮಹತ್ವ ಏನೆಂಬ ಅರಿವಾಯಿತು. ಆಗಲೇ ನಾನು ಎಚ್ಚೆತ್ತುಕೊಂಡು ದೇಹದ ಆರೈಕೆಗೆ ಪ್ರಾಮುಖ್ಯ ನೀಡತೊಡಗಿದೆ. ಇವತ್ತು ನನ್ನ ಸುಂದರ ಕಾಲುಗಳು 12ರಿಂದ 15 ಸೌಂದರ್ಯ ವರ್ಧಕ ಉತ್ಪನ್ನಗಳನ್ನು ಮಾರುತ್ತಿವೆ. ನನಗಿದು ಸಾಧ್ಯವಾಗಿದೆ ಎಂದಾದರೆ  ನನ್ನಂತಹ ಯಾವುದೇ ಹುಡುಗಿಗೂ ಕೂಡ ಇದು ಸಾಧ್ಯವಾಗಬೇಕು'. ಎಂದು ಪ್ರಿಯಾಂಕಾ ಚೋಪ್ರಾ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ.