ಮುಂಬಯಿ: ಬಹಳ ನಿರೀಕ್ಷೆ ಮೂಡಿಸಿದ್ದ ಶಾರುಖ್ ಖಾನ್ ಅಭಿನಯದ ರಾಯೀಸ್ ಚಿತ್ರ  ಬಾಕ್ಸ್ ಆಫೀಸ್ ನಲ್ಲಿ 5 ದಿನದಲ್ಲಿ 93 ಕೋಟಿ ರು ಕಲೆಕ್ಷನ್ ಮಾಡಿದೆ.

ಗ್ಯಾಂಗ್ ಸ್ಟರ್ ಕಥೆ ಹೊಂದಿರು ರಾಯೀಸ್ ಸಿನಿಮಾ ಉತ್ತಮವಾಗಿ ಪ್ರದರ್ಶನ ಕಾಣುತ್ತಿರುವುದಕ್ಕೆ ಶಾರುಖ್ ಸಂತಸ ವ್ಯಕ್ತ ಪಡಿಸಿದ್ದಾರೆ. ಇದೇ ವೇಳೆ 2016 ರಲ್ಲಿ ಬಿಡುಗಡೆಯಾದ ಸುಲ್ತಾನ್ ಮತ್ತು ದಂಗಲ್ ಚಿತ್ರಗಳೊಂದಿಗೆ ರಾಯೀಸ್ ಚಿತ್ರವನ್ನು ಹೋಲಿಸಬೇಡಿ ಎಂದು ಶಾರುಖ್ ಸಲಹೆ ನೀಡಿದ್ದಾರೆ.

ಅಮೀರ್ ಖಾನ್ ಅಭಿನಯದ ದಂಗಲ್ ಚಿತ್ರ ಯಶಸ್ವಿಯಾಗಿದ್ದು, ದೇಶದ್ಯಾಂತ 300 ಕೋಟಿ ರು ಹಣ ಸಂಗ್ರಹಿಸಿದೆ,  ನಮಗೆ ಲಿಮಿಟೆಡ್ ಬ್ಯುಸಿನೆಸ್ ಇದೆ ಎಂದು ನನಗೆ ತಿಳಿದಿದೆ, ನಾವು ನಿರೀಕ್ಷಿಸಿದಕ್ಕಿಂತಲೂ ಹೆಚ್ಚಿನ ಮಟ್ಟದಲ್ಲಿ ಸಿನಿಮಾ ಕಲೆಕ್ಷನ್ ಮಾಡುತ್ತಿದೆ.

ಒಂದು ವೇಳೆ ನಾವು ಹೋಲಿಕೆ ಮಾಡಲು ಆರಂಭಿಸಿದರೇ ಆಕಾಶಕ್ಕೆ ಕೊನೆಯಿಲ್ಲ, ಹೀಗಾಗಿ ನಾವು ಏಕೆ ಅತಿ ಹೆಚ್ಚು ಗಳಿಸಿದ ಚಿತ್ರಗಳ ಜೊತೆ ಹೋಲಿಸಬೇಕು ಎಂದು ಪ್ರಶ್ನಿಸಿದ್ದಾರೆ.