ಮುಂಬೈ: ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಭಾರಿ ಸದ್ದು ಮಾಡುತ್ತಿರುವ ಬೆನ್ನಲ್ಲೇ ಬಾಲಿವುಡ್ ಮಾದಕ ನಟಿ ಮಲ್ಲಿಕಾ ಶೆರಾವತ್ ಅವರು ಹೊಸ ಸೆಕ್ಸ್ ಬಾಂಬ್ ಸಿಡಿಸಿದ್ದಾರೆ.

ತೆರೆ ಮೇಲೆ ಬೋಲ್ಡ್ ಆಗಿ ಕಾಣಿಸಿಕೊಳ್ಳುವ ಮಲ್ಲಿಕಾ ಶೆರಾವತ್ ಅವರು, ಆ ವಿಚಾರದಲ್ಲಿ ನಟ, ನಿರ್ದೇಶಕ ಹಾಗೂ ಸಹ ನಟರೊಂದಿಗೆ ಸುಲಭವಾಗಿ 'ರಾಜಿ' ಮಾಡಿಕೊಳ್ಳುತ್ತಾರೆ ಎಂದು ನಂಬಿದ್ದವರಿಗೆ ಶಾಕ್ ನೀಡಿದ್ದಾರೆ.

ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ, ನನ್ನ ಬಗ್ಗೆ ಜನರಲ್ಲಿ ಹಲವು ಆರೋಪ ಮತ್ತು ತಪ್ಪು ಕಲ್ಪನೆಗಳಿವೆ. ಒಂದು ವೇಳೆ ತೆರೆ ಮೇಲೆ ಕಿಸ್ ಮಾಡುವುದು ಮತ್ತು ತುಂಡು ಬಟ್ಟೆ ಧರಿಸಿದರೆ ಅವರಿಗೆ ನೈತಿಕತೆ ಇಲ್ಲ ಎಂದು ಭಾವಿಸುತ್ತಾರೆ ಮತ್ತು ನಮ್ಮನ್ನು ದುರ್ಬಳಕೆ ಮಾಡಿಕೊಳ್ಳಲು ಯತ್ನಿಸುತ್ತಾರೆ. ಅದರ ಅನುಭವ ನನಗೂ ಆಗಿದೆ ಎಂದು 'ಮರ್ಡರ್ ಖ್ಯಾತಿಯ ನಟಿ ಹೇಳಿದ್ದಾರೆ.

'ಒಂದು ಚಿತ್ರದ ನಾಯಕ, ತೆರೆ ಮೇಲೆ ನನ್ನೊಂದಿಗೆ ಅತ್ಯಂತ ಆಪ್ತವಾಗಿರುತ್ತೀಯಾ... ಹಾಗೆಯೇ ಖಾಸಗಿಯಾಗಿ ಮಾಡಲು ಏನು ಸಮಸ್ಯೆ? ಎಂದು ಕೇಳುವ ಮೂಲಕ ಸೆಕ್ಸ್ ಗೆ ಬೇಡಿಕೆ ಇಟ್ಟಿದ್ದ. ಆದರೆ ನಾನು ಅದಕ್ಕೆ ಒಪ್ಪಿಕೊಳ್ಳದಿದ್ದಾಗ ಆ ಚಿತ್ರದಿಂದಲೇ ಹೊರ ಬರಬೇಕಾಯಿತು. ಇಂತಹ ಕಾರಣಗಳಿಗಾಗಿಯೇ ನಾನು ಹಲವು ಚಿತ್ರಗಳನ್ನು ಕಳೆದುಕೊಂಡಿದ್ದೇನೆ' ಎಂದು ಮಲ್ಲಿಕಾ ಹೇಳಿಕೊಂಡಿದ್ದಾರೆ.

ನನ್ನ ಆಯ್ಕೆಯ ಚಿತ್ರಗಳು ಅಸಾಂಪ್ರದಾಯಿಕ ಎಂಬುದರ ಬಗ್ಗೆ ನನಗೆ ಅರಿವಿದೆ. ಆದರೆ ನಾನು ಅಲೆಗಳಿಗೆ ವಿರುದ್ಧವಾಗಿ ಈಜದಿದ್ದರೆ ಇನ್ನೂ ಉತ್ತಮ ಚಿತ್ರಗಳನ್ನು ಮಾಡುತ್ತಿದ್ದೆ ಎಂದಿದ್ದಾರೆ.

"ನಾನು ತುಂಬಾ ಕಠಿಣ ಮಹಿಳೆಯಾಗಿದ್ದೇನೆ, ನಾನು ರಾಜಿ ಮಾಡಿಕೊಳ್ಳಲ್ಲ. ನನಗೆ ಸ್ವಾಭಿಮಾನ ಮತ್ತು ಆತ್ಮಗೌರವ ಇದೆ. ನಿರ್ದೇಶಕರು ನನಗೆ ಬೆಳಗಿನ ಜಾವ 3 ಗಂಟೆಗೆ ರೂಮ್ ಬಾ ಎಂದು ಕರೆದದ್ದು ಇದೆ' ಎಂದು 41 ವರ್ಷದ ಮಾದಕ ನಟಿ ಹೇಳಿದ್ದಾರೆ.