ನವದೆಹಲಿ: ವರುಣ್ ಧವನ್ ಮತ್ತು ಹೊಸಬ ನಟಿ ಬನಿತಾ ಸಂಧು ನಟಿಸಿರುವ ಅಕ್ಟೋಬರ್ ಚಿತ್ರದ ಮೊದಲ ಟ್ರೈಲರ್ ಬಿಡುಗಡೆಯಾಗಿದ್ದು ಸಂಪೂರ್ಣ ಭಾವನಾತ್ಮಕವಾಗಿದೆ ಎನ್ನಬಹುದು.
ಚಿತ್ರದ ಟ್ರೈಲರ್ ಭರವಸೆ ಹುಟ್ಟಿಸುತ್ತಿದ್ದು ಸಾಮಾನ್ಯ ಸ್ಥಳಗಳನ್ನು ಗುರಿಯಾಗಿಟ್ಟುಕೊಂಡು ಶೂಟಿಂಗ್ ಮಾಡಲಾಗಿದೆ. ಸುಂದರ ತಾಣಗಳು ಮತ್ತು ಸಂಬಂಧಗಳ ಎಳೆಗಳನ್ನು ನೇಯ್ದ ರೀತಿ ಉತ್ತಮವಾಗಿದೆ.
ವರುಣ್ ಧವನ್ ಸುತ್ತ ಚಿತ್ರದ ಕಥೆ ಸುತ್ತುತ್ತಿದ್ದು, ಕಾಲೇಜು ದಿನಗಳಲ್ಲಿ ತನ್ನನ್ನು ಪ್ರೀತಿಸುತ್ತಿದ್ದ ಹುಡುಗಿಯನ್ನು ಹುಡುಕುವ ಕಥೆ ಅಕ್ಟೋಬರ್ ಚಿತ್ರದ್ದಾಗಿದೆ.
ಚಿತ್ರದ ಟ್ರೈಲರ್ ಆರಂಭದಲ್ಲಿ ಹುಡುಗಿ ವೀಲ್ ಚೇರ್ ನಲ್ಲಿ ಕುಳಿತು ಅಸೌಖ್ಯದಲ್ಲಿರುತ್ತಾಳೆ, ಭಾವನಾರಹಿತವಾಗಿರುತ್ತಾಳೆ. ಇದು ಇದು ಪ್ರೇಮ ಕಥೆಯಲ್ಲ, ಪ್ರೀತಿಯ ಕಥೆ ಎಂದು ಬರೆಯಲಾಗಿದೆ.
ಪಿಕು ಚಿತ್ರದ ನಿರ್ದೇಶಕ ಶೂಜಿತ್ ಸಿರ್ಕಾರ್ ಈ ಚಿತ್ರದ ನಿರ್ದೇಶಕರಾಗಿದ್ದು ಜುಹಿ ಚತುರ್ವೇದಿ ಚಿತ್ರಕಥೆ ಬರೆದಿದ್ದಾರೆ. ಮುಂದಿನ ತಿಂಗಳು 13ಕ್ಕೆ ತೆರೆಗೆ ಬರಲಿದೆ.