ನವದೆಹಲಿ: ಬಹು ಕಾಲದ ಗೆಳತಿ ಮತ್ತು ನಟಿ ಸೋನಿಯಾ ಕಪೂರ್ ಅವರೊಂದಿಗೆ ಗಾಯಕ ಹಿಮೇಶ್ ರೇಶಮಿಯಾ ಅವರು ಶುಕ್ರವಾರ ರಾತ್ರಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.

ರೇಶಮಿಯಾ ಅವರ ನಿವಾಸದಲ್ಲಿಯೇ ಜೋಡಿಗಳು ಹಿಂದು ಸಂಪ್ರದಾಯದಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 

ಸೋನಿಯಾ ಜೊತೆಗಿನ ವಿವಾಹ ಕುರಿತು ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಟ್ವೀಟ್ ಮಾಹಿರುವ ಹಿಮೇಶ್ ಅವರು, ಸೋನಿಯಾ ಹಾಗೂ ನಾನು ಇಬ್ಬರೂ ಹೊಸ ಜೀವನವನ್ನು ಆರಂಭಿಸಿದ್ದು, ಬಹಳ ಸಂತೋಷವಾಗುತ್ತಿದೆ. ಸೋನಿಯಾ ಅತ್ಯಂತ ಸುಂದರ, ಒಳ್ಳೆಯ ಯುವತಿಯಾಗಿದ್ದು, ಬೇಷರತ್ತಿನಿಂದ ಆಕೆಯನ್ನು ಪ್ರೀತಿಸುತ್ತಿದ್ದೇನೆಂದು ಹೇಳಿಕೊಂಡಿದ್ದಾರೆ. 

ಹಿಮೇಶ್ ಅವರಿಗೆ ಇದು ಎರಡನೇ ವಿವಾಹವಾಗಿದ್ದು, ಕೆಲ ದಿನಗಳ ಹಿಂದಷ್ಟೇ ಹಿಮೇಶ್ ಅವರು ಮೊದಲ ಪತ್ನಿ ಕೋಮಲ್ ಅವರೊಂದಿಗೆ ವಿಚ್ಛೇದನ ಪಡೆದುಕೊಂಡಿದ್ದರು.