ಬೆಂಗಳೂರು: ಬಾಲಿವುಡ್ ಖ್ಯಾತ ತಾರೆಯರಾದ ದೀಪಿಕಾ ಪಡುಕೋಣೆ ಮತ್ತು ರಣ್‍ವೀರ್ ಸಿಂಗ್ ಅವರು ಬುಧವಾರ ಕೊಂಕಣಿ ಸಂಪ್ರದಾಯದಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಸಿಂಧಿ ಶೈಲಿಯ ಮದುಮಕ್ಕಳಾಗಿ ಮಿಂಚಿದ ಫೋಟೋ ಗುರುವಾರ ಬಹಿರಂಗವಾಗಿತ್ತು. ಶುಕ್ರವಾರ ಮತ್ತೊಂದು ಹೊಸ ಫೋಟೋ ಬಹಿರಂಗವಾಗಿದ್ದು, ಕುಟುಂಬ ಸದಸ್ಯರೊಂದಿಗೆ ನವ ದಂಪತಿಗಳು ಭರ್ಜರಿ ಪೋಸ್ ಕೊಟ್ಟಿದ್ದಾರೆ.

ಕಳೆದ ಬುಧವಾರ ಇಟಲಿಯ ಸುಂದರ ಪ್ರವಾಸಿ ತಾಣ ಲೇಕ್ ಕೊಮೊವಿನ ವಿಲ್ಲಾ ಡೆಲ್ ಬಲ್ಬಿಯಾನೆಲ್ಲೊದಲ್ಲಿ ಡೀಪ್‍ವೀರ್ ಮದುವೆಯಾಗಿದ್ದು, ಇಂದು ಬಹಿರಂಗವಾದ ಗ್ರೂಪ್ ಫೋಟೋದಲ್ಲಿ ದೀಪಿಕಾ, ರಣ್ ವೀರ್ ಮತ್ತು ತನ್ನ ಅತ್ತೆಯ ಮಧ್ಯ ನಿಂತಿದ್ದಾರೆ.

ಇದೇ ವೇಳೆ ರಣ್ ವೀರ್ ಸಿಂಗ್ ತಂದೆ ಭವ್ನಾನಿ ಅವರು ತಮ್ಮ ಸೊಸೆಯನ್ನು ಕಿಚಾಯಿಸುತ್ತಲೇ ಹೊಸ ಜೀವನಕ್ಕೆ ಹಾಗೂ ತಮ್ಮ ಕುಟುಂಬಕ್ಕೆ ಸ್ವಾಗತಿಸಿದ್ದಾರೆ.

ದೀಪಿಕಾ 'ಏ ದಿವಾನಿ ಹೇ ಜವಾನಿ' ಅನ್ನೋ ಚಿತ್ರದಲ್ಲಿ ಅಭಿನಯಿಸಿದ್ದರು. ಅದನ್ನೇ ಬಳಸಿಕೊಂಡಿರುವ ರಣ್​ವೀರ್ ತಂದೆ, ‘ಏ ದಿವಾನಿ ತೋ ಭವ್ನಾನಿ ಹೋ ಗಯಿ’ ಅಂತ ಫಿಲ್ಮಿ ಸ್ಟೈಲ್​ನಲ್ಲೇ ತಮ್ಮ ಫ್ಯಾಮಿಲಿಗೆ ವೆಲ್ಕಮ್ ಮಾಡಿದ್ದಾರೆ. ಇದು ಕೂಡ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೆಂಡಿಂಗ್​ನಲ್ಲಿದೆ.