ಮುಂಬೈ: ಕಡಿಮೆ ಬಜೆಟ್ ನ ಬದಾಯಿ ಹೋ ಚಿತ್ರ ಭಾರತೀಯ ಚಿತ್ರರಂಗದಲ್ಲಿ ಸಾರ್ವಕಾಲಿಕ ದಾಖಲೆ ಬರೆದಿರುವ ಬಾಹುಬಲಿ 2 ಚಿತ್ರದ ಗಳಿಕೆಯನ್ನು ಮೀರಿಸಿ ದಾಪುಗಾಲಿಟ್ಟಿದೆ. 

ಚಿತ್ರ ಬಿಡುಗಡೆಯಾಗಿ ತಿಂಗಳೇ ಕಳೆದಿದ್ದೂ ಆರು ವಾರಗಳು ಕಳೆದರೂ ಗಳಿಕೆಯಲ್ಲಿ ಬಿಗಿ ಹಿಡಿತ ಹೊಂದಿರುವ ಬದಾಯಿ ಹೋ ಚಿತ್ರ 3.95 ಕೋಟಿ ಕಲೆಕ್ಷನ್ ಮಾಡಿದೆ. ಆದರೆ ಬಾಹುಬಲಿ ಆರನೇ ವಾರದಲ್ಲಿ 3.35 ಕೋಟಿ ರುಪಾಯಿ ಮಾತ್ರ ಗಳಿಕೆ ಮಾಡಿತ್ತು. 

ಇನ್ನು ಭಾರತದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲೂ ಬದಾಯಿ ಹೋ ಚಿತ್ರ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಈ ಕುರಿತು ವಿಮರ್ಶಕ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ. ಇದು ಬದಾಯಿ ಹೋ ಅತ್ಯದ್ಭುತ ಗೆಲುವು ಎಂದು ಬಣ್ಣಿಸಿದ್ದಾರೆ. 

ಭಾರತದಲ್ಲಿ ಬದಾಯಿ ಹೋ ಚಿತ್ರ ಒಟ್ಟಾರೆ 132.35 ಕೋಟಿ ಗಳಿಕೆ ಮಾಡಿದ್ದು ವಿಶ್ವಾದ್ಯಂತ 215 ಕೋಟಿ ಗಳಿಕೆ ಮಾಡಿದೆ.