ಮುಂಬೈ: ಮಾಜಿ ವಿಶ್ವ ಸುಂದರಿ, ಬಾಲಿವುಡ್ ನಟಿ ಐಶ್ವರ್ಯಾ ರೈ 44ನೇ ವಯಸ್ಸಿನಲ್ಲೂ ಮುತ್ತಿನ ಬಿಳಿ ಹಾಗೂ ಕೆಂಪು ಬಣ್ಣ ಮಿಶ್ರಿತ ಗೌನ್ ಧರಿಸಿ ರ್ಯಾಂಪ್ ಮೇಲೆ ಹೆಜ್ಜೆ ಹಾಕುತ್ತಿದ್ದರೆ ಅಲ್ಲಿದ್ದವರ ಎದೆ ಬಡಿತ ಹೆಚ್ಚಾಗುತ್ತಿತ್ತು.
ಕತರ್ ನ ದೋಹದಲ್ಲಿ ನಡೆದ ಡಿಸೈನರ್ ಮನೀಶ್ ಮಲ್ಹೋತ್ರ ಅವರ ಫ್ಯಾಷನ್ ವೀಕೆಂಡ್ ಇಂಟರ್ ನ್ಯಾಷನಲ್-208ರಲ್ಲಿ ರ್ಯಾಂಪ್ ಮೇಲೆ ಐಶ್ವರ್ಯಾ ರೈ ಹೆಜ್ಜೆ ಹಾಕಿದ್ದು ಶೋನ ಟಾಪರ್ ಆಗಿ ಮಿಂಚಿದ್ದಾರೆ.
ಐಶ್ವರ್ಯಾ ರೈ ಅವರ ನೆಚ್ಚಿನ ಮೇಕಪ್ ಕಲಾವಿದರಾದ ಮಿಕಿ ಕಾನ್ ಟ್ರಾಕ್ಟರ್, ಸ್ಮೋಕಿ ಐ ಮೇಕಪ್ ನಿಂದ ಅವರ ನೀಲಿ ಕಂಗಳನ್ನು ಅಂದಗೊಳಿಸಿದ್ದರು. ಜೊತೆಗೆ ನೀಲಿ ಹೂವಿನ ರಿಬ್ಬನ್ ನಿಂದ ಮಾಡಿದ ಕೇಶ ವಿನ್ಯಾಸ ಎಲ್ಲರ ಗಮನ ಸೆಳೆಯಿತು.
ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಫೋಟೋಗಳನ್ನು ಹಂಚಿಕೊಂಡಿರುವ ಐಶ್ವರ್ಯ ರೈ ತಮ್ಮ ಮಗಳಿಗೂ ಅದೇ ರೀತಿಯ ಉಡುಗೆಯನ್ನು ತೊಡಿಸಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ.