ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಜೀವನಾಧಾರಿತ ಚಲನಚಿತ್ರದ ಫಸ್ಟ್ ಲುಕ್ ಸೋಮವಾರ ಬಿಡುಗಡೆಯಾಗಿದ್ದು ಬಾಲಿವುಡ್ ನಟ ವಿವೇಕ್ ಒಬೇರಾಯ್ ಮೋದಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ."ಪಿಎಂ ನರೇಂದ್ರ ಮೋದಿ" ಹೆಸರಿನ ಚಿತ್ರದ ಮೊದಲ ಪೋಸ್ಟರ್ ಇಂದು ಬಿಡುಗಡೆ ಕಂಡಿದೆ.
ದೊಡ್ಡ ಮಟ್ಟದ ಯಶಸ್ಸಿಗೆ ಕಾಯುತ್ತಿರುವ ವಿವೇಕ್ ಗೆ ಈ ಚಿತ್ರ ದೊಡ್ಡ ನೆರವಆಗಲಿದೆ ಎಂದು ಹೇಳಲಾಗಿದ್ದು ಸಿನಿಮಾ ಮಾರುಕಟ್ಟೆ ವಿಶ್ಲೇಷಕರಾದ ತರಣ್ ಆದರ್ಶ್ ಫಸ್ಟ್ ಲುಕ್ ಅನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಒಬೇರಾಯ್ ಗೆ ವಯಸ್ಸಾದವರಂತೆ ಮೇಕಪ್ ಮಾಡಲಾಗಿದ್ದು ಬಿಳಿ ಕೂದಲು, ಗಡ್ಡ, ಜತೆಗೆ ಚಿನ್ನದ ಬಣ್ಣವಿರುವ ಕುರ್ತಾ ಧರಿಸಿರುವುದನ್ನು ಕಾಣುತ್ತೇವೆ.ಜತೆಗೆ ಹಿನ್ನೆಲೆಯಾಗಿ ಭಾರತ್ ರಾಷ್ಟ್ರಧ್ವಜ, ಸೂರ್ಯೋದಯವಾಗುವ ದೃಶ್ಯವಿದ್ದು ಮೇಲೆ ಹಾಗೂ ಕೆಳಗೆ ಸಿನಿಮಾ ಹೆಸರು, ನಿರ್ಮಾಣ ಸಂಸ್ಥೆಯ ವಿವರಗಳು ಇದೆ.
ಭಾರತದಲ್ಲಿ 23 ಭಾಷೆಗಳಲ್ಲಿ ತೆರೆ ಕಾಣಲಿರುವ ಈ ಚಿತ್ರವನ್ನು "ಮೇರಿ ಕೋಮ್" ಚಿತ್ರದ ಖ್ಯಾತಿ ಒಮಂಗ್ ಕುಮಾರ್ ನಿರ್ದೇಶಿಸುತ್ತಿದ್ದಾರೆ.ಸುರೇಶ್ ಒಬೆರಾಯ್ ಮತ್ತು ಸಂದೀಪ್ ಸಿಂಗ್ ಚಿತ್ರಕ್ಕೆ ಬಂಡವಾಳ ತೊಡಗಿಸಿದ್ದಾರೆ ಎನ್ನಲಾಗಿದೆ.