ಇಂದ್ರಜಿತ್ ಲಂಕೇಶ್ ನಿರ್ದೇಶಿಸಿ ರೀಚಾ ಚಡ್ಡಾ ನಟಿಸಿರುವ ಶಕೀಲಾ ಸಿನಿಮಾ ಡಿಸೆಂಬರ್ 25 ರಂದು ರಿಲೀಸ್ ಆಗಲಿದೆ.

ಈ ವರ್ಷದ ಆರಂಭದಲ್ಲಿಯೇ ಸಿನಿಮಾ ಬಿಡುಗಡೆಯಾಗಬೇಕಿತ್ತು, ಶಕೀಲಾ ಸಿನಿಮಾ ವಯಸ್ಕರ ಸಿನಿಮಾವಾಗಿದ್ದು,  ಶಕೀಲಾ 1990ರ ದಶಕದಲ್ಲಿ ಜನಪ್ರಿಯ ನಟಿಯಾಗಿದ್ದರು.

ಕೇರಳ ಮೂಲದ ಶಕೀಲಾ ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡದ ಹಲವು ವಯಸ್ಕರ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. 

ಚಿತ್ರದ ಹೊಸ ಪೋಸ್ಟರ್ ಅನ್ನು ಬಿಡುಗಡೆ ಮಾಡುವುದರೊಂದಿಗೆ ತಯಾರಕರು ಈ ಘೋಷಣೆ ಮಾಡಿದ್ದಾರೆ, ಇದರಲ್ಲಿ ರಿಚಾ ಸೀರೆ ಉಟ್ಟು, ಗನ್ ಹಿಡಿದುಕೊಂಡಿದ್ದಾರೆ.

ಪಂಕಜ್ ತ್ರಿಪಾಠಿ ಮತ್ತು ಮಲಯಾಳಂ ನಟ ರಾಜೀವ್ ಪಿಳ್ಳೈ ನಟಿಸಿರುವ ಶಕೀಲಾ ಮುಂದಿನ ತಿಂಗಳು ಹಲವು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
ಈ ಚಿತ್ರವನ್ನು ಸ್ಯಾಮಿ ನನ್ವಾನಿ ಮತ್ತು ಸಾಹಿಲ್ ನನ್ವಾನಿ ನಿರ್ಮಿಸಿದ್ದಾರೆ.