ನವದೆಹಲಿ: ತೊಂಬತ್ತರ ದಶಕದಲ್ಲಿ ಬಾಲಿವುಡ್ನ ಬೋಲ್ಡ್ ನಟಿ ಮಮತಾ ಕುಲಕರ್ಣಿ ಅವರ ಜೀವನದ ಬಗ್ಗೆ ಚಿತ್ರ ನಿರ್ಮಿಸುವ ಯೋಚನೆ ನಡೆದಿದೆ.
ಮಮತಾ ಅವರ ವಿವಾದಾತ್ಮಕ ಜೀವನವನ್ನು ಆಧರಿಸಿದ ಚಿತ್ರವೊಂದನ್ನು ನಿರ್ಮಿಸಲು ತಯಾರಿ ನಡೆದಿದೆ. ಈ ಚಿತ್ರವು ಬಿಲಾಲ್ ಸಿದ್ದಿಕಿ ಅವರು ಬರೆದ ‘ ದಿ ಸ್ಟಾರ್ಡಸ್ಟ್ ಅಫೇರ್’ ಪುಸ್ತಕವನ್ನು ಆಧರಿಸಿದೆ. ನಿರ್ಮಾಪಕ ನಿಖಿಲ್ ದ್ವಿವೇದಿ ಈ ಪುಸ್ತಕದ ಹಕ್ಕುಗಳನ್ನು ತೆಗೆದುಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಪುಸ್ತಕವು ಮಮತಾ ಕುಲಕರ್ಣಿಯ ಜೀವನದ ಏರಿಳಿತಗಳನ್ನು ಒಳಗೊಂಡಿದೆ. ಬಾಲಿವುಡ್ ತಾರೆ ಹಲವು ವಿಷಯಗಳಿಂದ ಯಾವಾಗಲೂ ಸುದ್ದಿಯಲ್ಲಿದ್ದಾರೆ.
ಮಮತಾ ಕುಲಕರ್ಣಿ ತಮ್ಮ ಸಿನಿ ವೃತ್ತಿಜೀವನದಲ್ಲಿ ಕರಣ್-ಅರ್ಜುನ್, ಬಾಜಿ, ಚೀನಾ ಗೇಟ್, ತಿರಂಗಾ, ಕ್ರಾಂತಿವಿರ್ ಮತ್ತು ಸಬ್ಸೆ ಬಡಾ ಖಿಲಾಡಿ ಸೇರಿದಂತೆ ಅನೇಕ ಸೂಪರ್ ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.
ಈ ಚಿತ್ರವನ್ನು ತೆರೆಯ ಮೇಲೆ ತರಲು ಚಿತ್ರ ತಂಡ ಶೀಘ್ರದಲ್ಲಿ ಪಾತ್ರಗಳನ್ನು ಆಯ್ಕೆ ಮಾಡಲಿದೆ.