ಮಾರಕ ಕೊರೋನಾವೈರಸ್ ಹಾವಳಿ ಕಾರಣ ನಟರಾದ ರಿಚಾ ಚಾಧಾ ಮತ್ತು ಅಲಿ ಫಜಲ್ ತಮ್ಮ ಮದುವೆಯನ್ನು ಮುಂದೂಡಿದ್ದಾರೆ. ದಾಂಪತ್ಯಕ್ಕೆ ಕಾಲಿರಿಸಲು ಸಿದ್ದವಾಗಿದ್ದ ಈ ಜೋಡಿ ತಮ್ಮ ವಿವಾಹವನ್ನು ಆರು ತಿಂಗಳ ಕಾಲ ಮುಂದೂಡಿದ್ದಾರೆ ಎಂದು ಅವರ ಕುಟುಂಬ ವಕ್ತಾರರು ಹೇಳಿದ್ದಾರೆ.
ರಿಚಾ ಮತ್ತು ಅಲಿ ಅವರು ಏಪ್ರಿಲ್ನಲ್ಲಿ ಹಸೆಮಣೆ ಏರಲು ನಿರ್ಧರಿಸಿದ್ದರು.ಆ ವಿವಾಹಕ್ಕೆ ಅನೇಕ ಅತಿಥಿ ಗಳು ಯುರೋಪ್ ಹಾಗೂ ಅಮೇರಿಕಾದಿಂದ ಆಗಮಿಸಬೇಕಿತ್ತು.
"ಜಾಗತಿಕವಾಗಿ ಕೋವಿಡ್-19 ಸಾಂಕ್ರಾಮಿಕ ರೋಗದಿಂದಾಗಿ ಪ್ರಸ್ತುತ ಸನ್ನಿವೇಶದ ಹಿನ್ನೆಲೆಯಲ್ಲಿ, ಅಲಿ ಫಜಲ್ ಮತ್ತು ರಿಚಾ ಚಾಧಾ ತಮ್ಮ ವಿವಾಹ ಕಾರ್ಯಗಳನ್ನು 2020 ರ ಉತ್ತರಾರ್ಧಕ್ಕೆ ತಾತ್ಕಾಲಿಕವಾಗಿ ಮುಂದೂಡಲು ನಿರ್ಧರಿಸಿದ್ದಾರೆ.
"ಪ್ರತಿಯೊಬ್ಬರೂ ಆರೋಗ್ಯವಾಗಿ ಮತ್ತು ಸುರಕ್ಷಿತವಾಗಿರಬೇಕು ಎಂದು ಅವರು ಬಯಸುತ್ತಾರೆ ಮತ್ತು ಯಾವುದೇ ಕಾರಣಕ್ಕೆ ಅವರ ಸ್ನೇಹಿತರು, ಕುಟುಂಬಗಳು ಮತ್ತು ಹಿತೈಷಿಗಳು ಪ ತೊಂದರೆಗೀಡಾಗಲು ಅವರು ಬಯಸುವುದಿಲ್ಲ" ಎಂದು ನಟರ ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಭಾರತದಲ್ಲಿ ಕೊರೋನಾವೈರಸ್ ಸೋಂಕಿತರ ಸಂಖ್ಯೆ ಗುರುವಾರ 170ಕ್ಕೆ ಏರಿದೆ.