ಮುಂಬೈ: ಕೋವಿಡ್ ಲಾಕ್ಡೌನ್ ನಿಯಮ ಉಲ್ಲಂಘಿಸಿದ ಕಾರಣಕ್ಕೆ ಬಾಲಿವುಡ್ ನಟ ಟೈಗರ್ ಶ್ರಾಫ್ ಮತ್ತು ದಿಶಾ ಪಟಾನಿ ವಿರುದ್ಧ ಮುಂಬೈ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.
ಲಾಕ್ ಡೌನ್ ಇದ್ದರೂ ಮುಂಬೈನ ಬ್ಯಾಂಡ್ ಸ್ಟ್ಯಾಂಡ್ ನಲ್ಲಿ ಇಬ್ಬರು ಸುತ್ತಾಡುತ್ತಿದ್ದರು ಎಂದು ವರದಿಯಾಗಿದೆ. ಪೊಲೀಸರು ಇಬ್ಬರನ್ನು ತಡೆದು ಕಾರು ನಿಲ್ಲಿಸಿ ಸುತ್ತಾಡುತ್ತಿರುವ ಕಾರಣ ಕೇಳಿದ್ದಾರೆ. ಆದರೆ ಇಬ್ಬರೂ ಸರಿಯಾದ ಕಾರಣ ನೀಡದ ಹಿನ್ನಲ್ಲೆ ಪೊಲೀಸರು ಎಫ್ ಐ ಆರ್ ದಾಖಲಿಸಿದ್ದಾರೆ.
ಮಂಗಳವಾರ ಸಂಜೆ ವರ್ಕೌಟ್ ಮುಗಿಸಿ ಜಿಮ್ನಿಂದ ವಾಪಸ್ ಆಗುವ ವೇಳೆ ಇಬ್ಬರು ಕಾರಿನಲ್ಲಿ ಬಾಂದ್ರಾದ ರಸ್ತೆಗಳಲ್ಲಿ ಸುತ್ತಾಡುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.