ಮುಂಬೈ: ಖ್ಯಾತ ಬಾಲಿವುಡ್ ನಟ ಜಾನ್ ಅಬ್ರಹಾಂ ನಟನೆಯ ಮುಂದಿನ 'The Diplomat' ಚಿತ್ರ ಬಿಡುಗಡೆಗೆ ಸಜ್ಜಾಗಿದ್ದು, ಮಾರ್ಚ್ 7 ರಂದು ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ ಎಂದು ಚಿತ್ರತಂಡ ಶುಕ್ರವಾರ ಘೋಷಿಸಿದೆ.
ಶಿವಂ ನಾಯರ್ ನಿರ್ದೇಶನ ಈ ಚಿತ್ರವು ದೇಶವನ್ನು ಬೆಚ್ಚಿಬೀಳಿಸಿದ ನೈಜ ಘಟನೆಯನ್ನು ಆಧರಿಸಿದೆ. 'ಅಧಿಕಾರ, ದೇಶಭಕ್ತಿಯನ್ನು ಒಳಗೊಂಡ ಕಥೆಯನ್ನು ಹೇಳುತ್ತದೆ.
'ರಾಜತಾಂತ್ರಿಕತೆಯು ಏಕೈಕ ಅಸ್ತ್ರವಾದಾಗ, ಒಬ್ಬ ವ್ಯಕ್ತಿಯು ಅಸಾಧ್ಯವಾದ ನಿರ್ಧಾರವನ್ನು ಕೈಗೊಳ್ಳುತ್ತಾನೆ. ಈ ಮಾರ್ಚ್ 7 ರಂದು, ನಿಮ್ಮ ಹತ್ತಿರದ ಚಿತ್ರಮಂದಿರಗಳಲ್ಲಿ ಮಾತ್ರ ಎಲ್ಲ ವಿಲಕ್ಷಣಗಳನ್ನು ಧಿಕ್ಕರಿಸುವ ಕಥೆಯನ್ನು ನೋಡಿ' ಎಂದು ನಿರ್ಮಾಪಕ ಭೂಷಣ್ ಕುಮಾರ್ ಅವರ ಟಿ-ಸಿರೀಸ್ ಬ್ಯಾನರ್ ಇನ್ಸ್ಟಾಗ್ರಾಮ್ನಲ್ಲಿ ಚಿತ್ರದ ಪೋಸ್ಟರ್ ಜೊತೆಗೆ ಪೋಸ್ಟ್ ಮಾಡಿದೆ.
ರಿತೇಶ್ ಶಾ ಬರೆದಿರುವ ಈ ಸಿನಿಮಾದಲ್ಲಿ ಅಬ್ರಹಾಂ ಅವರು ಉನ್ನತ ಮಟ್ಟದ ಸರ್ಕಾರಿ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವನ್ನು ಟಿ-ಸಿರೀಸ್ ಮೂಲಕ ಕುಮಾರ್ ಮತ್ತು ಕ್ರಿಶನ್ ಕುಮಾರ್ ನಿರ್ಮಿಸಿದ್ದಾರೆ.
ಜಾನ್ ಅಬ್ರಹಾಂ ಅವರು ವಿಪುಲ್ ಡಿ ಶಾ, ಅಶ್ವಿನ್ ವರ್ಡೆ, ವಕಾವೂ ಫಿಲಂಸ್ನ ರಾಜೇಶ್ ಬಹ್ಲ್, ಫಾರ್ಚೂನ್ ಪಿಕ್ಚರ್ನ ಸಮೀರ್ ದೀಕ್ಷಿತ್ ಮತ್ತು ಜತೀಶ್ ವರ್ಮಾ ಮತ್ತು ಸೀತಾ ಫಿಲ್ಮ್ಸ್ನ ರಾಕೇಶ್ ಡ್ಯಾಂಗ್ ಅವರೊಂದಿಗೆ ಜೆಎ ಎಂಟರ್ಟೈನ್ಮೆಂಟ್ ಅಡಿಯಲ್ಲಿ ಚಿತ್ರದ ನಿರ್ಮಾಣದ ಹೊಣೆಯನ್ನು ಹೊತ್ತುಕೊಂಡಿದ್ದಾರೆ.