ಚೆನ್ನೈ: ಯಾವುದೇ ಚಿತ್ರಕ್ಕೆ ಸಹಿ ಹಾಕದಂತೆ ಕಮಲ್ ಹಾಸನ್ ಪುತ್ರಿ ನಟಿ ಶೃತಿ ಹಾಸನ್ ಗೆ ಸಿವಿಲ್ ನ್ಯಾಯಾಲಯ ಆದೇಶಿಸಿದೆ.

ಈ ಹಿಂದೆ ತೆಲುಗು ಹಾಗೂ ತಮಿಳು ಚಿತ್ರವೊಂದರಲ್ಲಿ ನಟಿಸಲು ಒಪ್ಪಿಕೊಂಡಿದ್ದ ಶೃತಿ ಹಾಸನ್ ಇದೀಗ ಡೇಟಿಂಗ್ ಸಮಸ್ಯೆ ಇದೆ ಎಂದು ಅದರಿಂದ ಹೊರ ಬಂದಿದ್ದರು. ಅಲ್ಲದೇ ತಮಗೆ ನಿಗದಿತ ಸಮಯದಲ್ಲಿ ಚಿತ್ರೀಕರಣಕ್ಕೆ ಭಾಗವಹಿಸಲು ಸಾಧ್ಯವಾಗುತ್ತಿಲ್ಲ ಎಂದು ನಿರ್ಮಾಪಕರಿಗೆ ಕಾರಣವನ್ನೂ ನೀಡಿದ್ದರು.

ಆದರೆ, ಶೃತಿ ಅವರ ಈ ನಿರ್ಧಾರದಿಂದ ಕೋಟ್ಯಾಂತರ ರೂಪಾಯಿ ನಷ್ಟವಾಗುತ್ತದೆ ಎಂದು ಚಿತ್ರ ನಿರ್ಮಾಣ ಸಂಸ್ಥೆ ಸಿವಿಲ್ ಕೋರ್ಟ್ ನಲ್ಲಿ ದೂರು ದಾಖಲಿಸಿತ್ತು. ಚಿತ್ರ ನಿರ್ಮಾಣ ಸಂಷ್ಟೆಯ ದೂರಿನ ವಿಚಾರಣೆ ನಡೆಸಿದ ನ್ಯಾಯಾಲಯ ಶೃತಿ ವಿರುದ್ದ ಎಫ್ ಐ ಆರ್ ದಾಖಲಿಸಲು ಸೂಚನೆ ನೀಡುವುದರ ಜತೆಗೆ ಯಾವುದೇ  ಹೊಸ ಚಿತ್ರಕ್ಕೆ ಸಹಿ ಹಾಕದಂತೆ ಸೂಚನೆ ನೀಡಿದೆ.