ಕಳೆದ ವರ್ಷ ಮಣಿರತ್ನಂ ನಿರ್ದೇಶನದ ಓ ಕಾದಲ್ ಕಣ್ಮಣಿ ಚಿತ್ರದ ಮೂಲಕ ತಮ್ಮ ಮಗ ಎ.ಆರ್ ಅಮಿನ್ ನನ್ನ ತಮಿಳು ಚಿತ್ರರಂಗಕ್ಕೆ ಪರಿಚಯಿಸಿದ್ದ ಎ.ಆರ್ ರಹಮಾನ್ ಇದೀಗ ತೆಲುಗು ಚಿತ್ರವೊಂದಕ್ಕೆ ಹಾಡಿಸಲಿದ್ದಾರೆ.
ತೆಲುಗಿನ ನಿರ್ಮಲ ಕಾನ್ವೆಂಟ್ ಚಿತ್ರದಲ್ಲಿ ಅಮಿನ್ ಹಾಡೊಂದನ್ನು ಹಾಡುವ ಮೂಲಕ ಇದೀಗ ತೆಲುಗಿಗೆ ಪರಿಚಯಗೊಳ್ಳಲಿದ್ದಾರೆ.
ನಿರ್ಮಲ ಕಾನ್ವೆಂಟ್ ಚಿತ್ರದ ಹಾಡೊಂದಕ್ಕೆ ರಹಮಾನ್ ಮಗ ಅಮಿತ್ ಉತ್ತಮವಾಗಿ ಹಾಡಿದ್ದು, ಹಾಡು ಕೇಳಲು ಸುಮಧುರವಾಗಿದೆ. ಹಾಡನ್ನು ಕೇಳಿ ನಿರ್ಮಾಪಕರು ತುಂಬಾ ಸಂತಸ ವ್ಯಕ್ತಪಡಿಸಿದ್ದಾರೆ.
ನಟ ಶ್ರೀಕಾಂತ್ ಮಗ ರೋಷನ್ ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದು, ಚಿತ್ರವನ್ನು ಜಿ.ಕೆ ಮೋಹನ್ ನಿರ್ದೇಶಿಸುತ್ತಿದ್ದು, ನಟ ನಿರ್ಮಾಪಕ ನಾಗಾರ್ಜುನ ನಿರ್ಮಿಸುತ್ತಿದ್ದಾರೆ.