ಚೆನ್ನೈ: ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ಬಹು ನಿರೀಕ್ಷಿತ ಚಿತ್ರ ಕಬಾಲಿ ಇದೇ ಜುಲೈ 15ರಂದು ತೆರೆ ಕಾಣಲಿದೆ ಎಂದು ತಿಳಿದುಬಂದಿದೆ.

ಚಿತ್ರತಂಡದ ಅಧಿಕೃತ ಮೂಲಗಳು ತಿಳಿರುವಂತೆ ಮುಂಬರುವ ಜುಲೈ 15ರಂದು ಕಬಾಲಿ ಚಿತ್ರ ತೆರೆ ಕಾಣಲಿದ್ದು, ಚಿತ್ರವನ್ನು ಪಿಎ ರಂಜಿತ್ ನಿರ್ದೇಶಿಸಿದ್ದಾರೆ. ಕಲೈ ಪುಲಿ ಎಸ್ ತನು ಎಂಬುವವರು ಚಿತ್ರವನ್ನು ನಿರ್ಮಿಸಿದ್ದು, ಈಗಾಗಲೇ ಟೀಸರ್ ಮತ್ತು ಹಾಡಿನ ತುಣುಕಗಳಿಂದಾಗಿ ಯೂಟ್ಯೂಬ್ ನಲ್ಲಿ ಸಂಚಲನ ಮೂಡಿಸಿರುವ ಕಬಾಲಿ ಚಿತ್ರದಲ್ಲಿ ಬಾಲಿವುಡ್ ನಟಿ ರಾಧಿಕಾ ಆಪ್ಟೆ, ಧನ್ಸಿಕಾ, ದಿನೇಶ್ ರವಿ, ಕಲೈಯಾರಸನ್ ಮತ್ತು ಜಾನ್ ವಿಜಯ್ ಅಭಿನಯಿಸಿದ್ದಾರೆ.

ಪ್ರಮುಖ ಪಾತ್ರದಲ್ಲಿ ತೈವಾನ್ ಮೂಲದ ಖ್ಯಾತ ನಟ ವಿನ್ಸ್ ಟನ್ ಚಾವೋ ಅವರು ಅಭಿನಯಿಸಿದ್ದು, ಚಿತ್ರದ ಆಕರ್ಷಣೆಗಳಲ್ಲಿ ಒಂದಾಗಿದೆ.