2009ರಲ್ಲಿ ಬಿಡುಗಡೆಯಾಗಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದ್ದ ಅವತಾರ್ ಚಿತ್ರದ ಮುಂದುವರೆದ ಭಾಗ ಅವತಾರ್-2 2020ಕ್ಕೆ ತೆರೆಗೆ ಅಪ್ಪಳಿಸಲಿದೆ. 

ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ ಅವತಾರ್ 2 ಚಿತ್ರ ಈಗಾಗಲೇ ಬಿಡುಗಡೆಯಾಗಬೇಕಿತ್ತು. ಆದರೆ ಚಿತ್ರದ ನಿರ್ಮಾಪಕರು ಒಟ್ಟಿಗೆ ಭಾಗ 2,3,4,5 ನಿರ್ಮಿಸಲು ಮುಂದಾಗಿದ್ದು ಇದೇ ಕಾರಣಕ್ಕೆ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿದೆ. 

ಅವರಾತ್ 2 ಚಿತ್ರ 2020ರ ಡಿಸೆಂಬರ್ 18, ಭಾಗ 3 2021ರ ಡಿಸೆಂಬರ್ 17, ಭಾಗ 4 2024, ಭಾಗ 5 2025ಕ್ಕೆ ಬಿಡುಗಡೆಯಾಗಲಿದೆ ಎಂದು ಫೇಸ್ ಬುಕ್ ಪುಟದಲ್ಲಿ ನಿರ್ದೇಶಕ ಕ್ಯಾಮೆರಾನ್ ಹಾಗೂ ಅವರ ಜತೆ ಕಾರ್ಯನಿರ್ವಹಿಸುತ್ತಿರುವ ಚಿತ್ರ ತಂಡದ ಫೋಟೋ ಪ್ರಕಟಿಸಿದ್ದಾರೆ. 

2009ರಲ್ಲಿ ಅವತಾರ್ ಚಿತ್ರ ಪಂಡೋರಾದ ನೀಲಿ ಮೈ ಬಣ್ಣದ ನಾವಿಗಳು ಹಾಗೂ ಮನುಷ್ಯರ ನಡುವಿನ ಘರ್ಷಣೆಯ ಕಥಾವಸ್ತು ಹೊಂದಿತ್ತು. ಈ ಚಿತ್ರ ಅಂದಾಜು 17 ಸಾವಿರ ಕೋಟಿ(2.7 ಬಿಲಿಯನ್ ಡಾಲರ್) ಸಂಗ್ರಹಿಸಿತ್ತು.