ಮುಂಬೈ: ಮಹಿಳೆಯರು ಪುರುಷರಿಂಗಿಂತ ಹಲವು ಬಗೆಗಳಲ್ಲಿ ಶ್ರೇಷ್ಠ ಎಂದು ಎಂದು ಬಾಲಿವುಡ್ ನಟ ಶಾಹಿದ್ ಕಪೂರ್ ಹೇಳಿದ್ದಾರೆ. 

"ತಾಯಿ ಮಾಡುವ ಕೆಲಸಕ್ಕೆ ಯಾವ ಪುರುಷನು ಸಮ ಇಲ್ಲ. ಮಹಿಳೆಯರು ಪುರುಷರಿಂಗಿಂತ ಹಲವು ಬಗೆಗಳಲ್ಲಿ ಶ್ರೇಷ್ಠ. ಅವರನ್ನು ಮೆಚ್ಚುವುದನ್ನು ಮತ್ತು ಶ್ಲಾಘಿಸುವುದನ್ನು ಕಲಿತುಕೊಳ್ಳೋಣ. ಅವರಿಗೆ ಪ್ರೀತಿ ತೋರಿಸುವುದನ್ನು ಕಲಿತುಕೊಳ್ಳೋಣ. ಪ್ರತಿ ದಿನ" ಎಂದು ೩೫ ವರ್ಷದ ನಟ ಬುಧವಾರ ಟ್ವೀಟ್ ಮಾಡಿದ್ದಾರೆ. 

ನಟ ತಮ್ಮ ಪತ್ನಿ ಮೀರಾ ರಾಜಪುತ್ ಅವರೊಂದಿಗೆ ಕಳೆದ ಆಗಸ್ಟ್ ೨೬ ರಂದು ಹೆಣ್ಣು ಮಗುವೊಂದಕ್ಕೆ ಜನ್ಮ ನೀಡಿದ್ದರು. 

ನಟನೆಗೆ ಸಂಬಂಧಿಸಿದಂತೆ ಶಾಹಿದ್, ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಜೊತೆಗೆ ಸಂಜಯ್ ಲೀಲಾ ಭನ್ಸಾಲಿ ನಿರ್ದೇಶನದ 'ಪದ್ಮಾವತಿ' ಸಿನೆಮಾದಲ್ಲಿ ತೊಡಗಿಸಿಕೊಂಡಿದ್ದಾರೆ. ಹಾಗೆಯೇ ವಿಶಾಲ್ ಭಾರದ್ವಾಜ್ ನಿರ್ದೇಶನದ 'ರಂಗೂನ್' ಸಿನೆಮಾದಲ್ಲಿ ಕೂಡ ನಟಿಸಿದ್ದಾರೆ. 

ಎರಡನೇ ವಿಶ್ವಯುದ್ಧದ ಹಿನ್ನಲೆಯಲ್ಲಿ ನಡೆಯುವ 'ರಂಗೂನ್' ಸಿನೆಮಾದಲ್ಲಿ ಸೈಫ್ ಅಲಿ ಖಾನ್ ಕೂಡ ನಟಿಸಿದ್ದಾರೆ. ಈ ಸಿನೆಮಾ ಫೆಬ್ರವರಿ ೨೪ ರಂದು ಬಿಡುಗಡೆಯಾಗಲಿದೆ.