ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಪಟಾಕಿ ಚಿತ್ರದಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿರುವುದು ತಿಳಿದ ವಿಚಾರವೇ, ಆದರೆ ಗಣೇಶ್ ಇದೇ ಚಿತ್ರದಲ್ಲಿ ಬಳೆ ಮಾರಾಟ ಮಾಡುವವನಾಗಿ ಕಾಣಿಸಿಕೊಳ್ಳಲಿದ್ದಾರೆ. 

ಪಟಾಕಿ ಚಿತ್ರದಲ್ಲಿ ಗಣೇಶ್ ಸಂಪೂರ್ಣವಾಗಿ ಈ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಿಲ್ಲ ಬದಲಿಗೆ ಹಾಡೊಂದಕ್ಕಾಗಿ ಈ ವೇಷ ಧರಿಸಿದ್ದಾರೆ ಎಂದು ನಿರ್ದೇಶಕ ಮಂಜು ಸ್ವರಾಜ್ ಹೇಳಿದ್ದಾರೆ. ಚಿತ್ರದ ಹಾಡೊಂದರ ಚಿತ್ರೀಕರಣ ಭಾಗಿಯಿದ್ದು ಅದರ ಚಿತ್ರೀಕರಣ ಮುಗಿದ ನಂತರ ಚಿತ್ರೀಕರಣ ಸಂಪೂರ್ಣಗೊಳ್ಳಿದೆ ಎಂದು ಹೇಳಿದರು. 

ತೆಲುಗಿನ ಬಾಕ್ಲ್ ಬಸ್ಟರ್ ಪಟಾಸ್ ಚಿತ್ರದ ರೀಮೆಕ್ ಪಟಾಕಿ ಚಿತ್ರವಾಗಿದೆ. ಚಿತ್ರದಲ್ಲಿ ಗಣೇಶ್ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವನ್ನು ಎಸ್ವಿ ಬಾಬು ಅವರು ನಿರ್ಮಿಸುತ್ತಿದ್ದಾರೆ. ಗಣೇಶ್ ಗೆ ಜತೆಯಾಗಿ ರನ್ಯಾ ಮತ್ತು ಪ್ರಿಯಾಂಕಾ ಕಾಣಿಸಿಕೊಳ್ಳುತ್ತಿದ್ದಾರೆ.