ಬೆಂಗಳೂರು: ಕಾಲಿವುಡ್ ನಲ್ಲಿ ಚಿರಪರಿಚಿತನಾಗಿರುವ ನಟ ಸುಲೀಲ್ ಕುಮಾರ್, ಕನ್ನಡ ಸಿನಿಮಾದಲ್ಲಿ ನಿಧಾನವಾಗಿ ಬೇರೂರುತ್ತಿದ್ದಾರೆ. ತರುಣ್ ಗೋಪಿ ಅವರ ತಲಾಯ್ ಮೂಲಕ ತಮಿಳು ಸಿನಿಮಾಗಳ ವಿಲ್ಲನ್ ಪಾತ್ರದಲ್ಲಿ ಅಭಿನಯಿಸಿ ಹೆಸರು ಪಡೆದಿದ್ದಾರೆ.

ಸುಲೀಲ್ ಕುಮಾರ್ ಸದ್ಯ ಹೇಮಂತ್ ಎಂ ರಾವ್ ನಿರ್ದೇಶನದ  ಪಿಆರ್ ಕೆ ಪ್ರೊಡಕ್ಷನ್ ನ ಕವಲು ದಾರಿ ಸಿನಿಮಾದಲ್ಲಿ ಅನಂತ್ ನಾಗ್ ಮತ್ತು ರಿಶಿ ಎದುರು ಖಳ ನಟನಾಗಿ ಅಭಿನಯಿಸುತ್ತಿದ್ದಾರೆ. ಮಾರಿಕೊಂಡವರು ನಂತರ ಸುಲೀಲ್ ತಮ್ಮ ಎರಡನೇ ಸಿನಿಮಾ ಕವಲು ದಾರಿಯಲ್ಲಿ ನಟಿಸುತ್ತಿದ್ದಾರೆ. 

ಹೇಮಂತ್ ಎಂ ರಾವ್ ಅವರ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾ ಸುಲೀಲ್ ಕುಮಾರ್ ಗೆ ಬಹಳ ಇಷ್ಟವಂತೆ,ಇತ್ತೀಚೆಗೆ ನಾನು ನೋಡಿದ ಬಹಳ ಉತ್ತಮ ಸಿನಿಮಾ ಎಂದು ಹೇಳಿದ್ದಾರೆ. ಅವರ ಕೆಲಸದ ರೀತಿಯಿಂದ ನಾನು ಪ್ರೇರಿತಗೊಂಡಿದ್ದೇನೆ. ಹೀಗಾಗಿ ಆಫರ್ ಬಂದ ಕೂಡಲೇ ನಾನು ಒಪ್ಪಿಕೊಂಡೆ, ಏಕೆಂದರೆ ನಾನು ಈ ಪಾತ್ರಕ್ಕೆ ಒಪ್ಪುವ ವ್ಯಕ್ತಿ ಎಂದು ನಿರ್ದೇಶಕರಿಗೆ ತಿಳಿದಿದೆ ಎಂದು ಹೇಳಿದ್ದಾರೆ.

ತಮಿಳಿನಲ್ಲಿ ಇದುವರೆಗೂ ಸುಲೀಲ್ 18 ಸಿನಿಮಾದಲ್ಲಿ ನಟಿಸಿದ್ದಾರೆ, ನನ್ನ ಪಾತ್ರಗಳ ಬಗ್ಗೆ ನಾನು ಯಾವುದೇ ನಿಯಮ ಹಾಕಿಕೊಂಡಿಲ್ಲ, ಕನ್ನಡದಲ್ಲಿ ನನಗೆ ಒಂದೇ ರೀತಿಯ ಅವಕಾಶಗಳು ಬರುತ್ತಿಲ್ಲ, ಪ್ರಮುಖ ಪಾತ್ರದಲ್ಲಿ, ಸೆಕೆಂಡ್ ಲೀಡ್ ಪಾತ್ರಗಳಲ್ಲೂ ನಟಿಸಿದ್ದೇನೆ, ಮಾರಿಕೊಂಡವರು ಸಿನಿಮಾದಲ್ಲಿ ನಾನು ನಾಯಕನಾಗಿ ನಟಿಸಿದ್ದೇನೆ, ಅಕ್ಟೋಬರ್ ಮೊದಲ ವಾರದಲ್ಲಿ ಸಿನಿಮಾ ಸೆಟ್ಟೇರಲಿದೆ, ರೋಶಿನಿ ಪ್ರಕಾಶ್, ಅಚ್ಯುತ ಕುಮಾರ್ ಕೂಡಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.