ಬೆಂಗಳೂರು: ಬೆಲ್ ಗ್ರೇಡ್ ನಲ್ಲಿ ಕೋಟಿಗೊಬ್ಬ-3 ಸಿನಿಮಾಗಾಗಿ 26 ದಿನಗಳ ಶೂಟಿಂಗ್ ಮುಗಿಸಿ ಕಿಚ್ಚ ಸುದೀಪ್ ಬೆಂಗಳೂರಿಗೆ ಆಗಮಿಸಿದ್ದಾರೆ.ಈ ವೇಳೆ ತಮ್ಮ ಶೂಟಿಂಗ್ ನ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಶೂಟಿಂಗ್ ತುಂಬಾ ಉತ್ತಮವಾಗಿತ್ತು, ಸೂರಪಪ ಬಾಬು ಅವರ ಆತಿಥ್ಯ ಅದ್ಭುತವಾಗಿತ್ತು, ಕಷ್ಟದ ಸ್ಟಂಟ್ ಗಳನ್ನು ಸ್ಥಳೀಯ ಸ್ಟಂಟ್ ಟೀಮ್ ಮಾಡಿತ್ತು, 26 ದಿನಗಳ ಶೂಟಿಂಗ್ ನಲ್ಲಿ ಚೇಸಿಂಗ್ ದೃಶ್ಯ ಹಾಗೂ ಪ್ರಮುಖ ಸ್ಟಂಟ್ ಗಳನ್ನು ಚಿತ್ರೀಕರಿಸಲಾಯಿತು. ತಂಡದ ಕೆಲ ಸದಸ್ಯರ ಜೊತೆ ಸುದೀಪ್ ಭಾರತಕ್ಕೆ ವಾಪಾಸಾಗಿದ್ದಾರೆ.
ಉಳಿದ ಸದಸ್ಯರು ಜುಲೈ 13ರಂದು ವಾಪಸಾಗಲಿದ್ದಾರೆ, ಸುದೀಪ್ ಜೊತೆಗೆ ಶಿವ ಕಾರ್ತಿಕ್ ನಿರ್ದೇಶನದ ಕೋಟಿಗೊಬ್ಬ3 ಸಿನಿಮಾದಲ್ಲಿ ಮಡೋನಾ ಸೆಬಾಸ್ಟಿಯನ್, ರವಿ ಶಂಕರ್, ಶಾರದಾ ದಾಸ್ ಮತ್ತು ತಬಲ ನಾಣಿ ಮತ್ತಿತರರು ಸೇರಿದಂತೆ 53 ಮಂದಿ ವಿದೇಶಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು.
ಸಿನಿಮಾ ತಂಡ ಒಟ್ಟು 36 ದಿನಗಳ ಶೂಟಿಂಗ್ ಪೂರ್ಣಗೊಳಿಸಿದ್ದು, ಬ್ಯಾಂಕಾಕ್ ಮತ್ತು ಮಲೇಶಿಯಾಗಳಲ್ಲಿ ಇನ್ನು 15 ದಿನಗಳ ಶೂಟಿಂಗ್ ನಡೆಯಲಿದೆ. ಉಳಿದ ಚಿತ್ಕೀಕರಣ ಬೆಂಗಳೂರಿನಲ್ಲಿ ನಡೆಯಲಿದೆ,.
ಬೆಲ್ ಗ್ರೇಡ್ ನಿಂದ ಆಗಮಿಸಿರುವ ಸುದೀಪ್ ಚಿರಂಜೀವಿ ಅವರ ಮುಂದಿನ ತೆಲುಗು ಚಿತ್ರ ಸೈ ರಾ ನರಸಿಂಹ ರೆಡ್ಡಿ, ಸಿನಿಮಾ ಶೂಟಿಂಗ್ ನಲ್ಲಿ ಭಾಗವಹಿಸಲು ಸೆಟ್ ಗೆ ತೆರಳಿದ್ದಾರೆ.