ಅದ್ದೂರಿ ವಿವಾಹದ ಬಳಿಕ ಭಾರತಕ್ಕೆ ಬಂದಿಳಿದ ದೀಪಿಕಾ-ರಣವೀರ್
ಮುಂಬೈ: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಳಿಕ ಇದೇ ಮೊದಲ ಬಾರಿಗೆ ಬಾಲಿವುಡ್ ಕ್ಯೂಟ್ ಜೋಡಿ ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಅವರು ಭಾರತಕ್ಕೆ ಆಗಮಿಸಿದ್ದಾರೆ.
ಮುಂಬೈನ ತಮ್ಮ ನಿವಾಸದ ಬಳಿ ಕಾಣಿಸಿಕೊಂಡ ದಂಪತಿಗಳು, ಸಂತಸದಲ್ಲಿ ಎಲ್ಲರಿಗೂ ನಮಸ್ಕರಿಸಿದರು.
ಪ್ರೀತಿಯ ಪತ್ನಿಯನ್ನು ರಣವೀರ್ ಕೈ ಹಿಡಿದು ಹೊರಗೆ ಕರೆತಂದರು. ಇಬ್ಬರು ಹೊಸ ಜೀವನದ ಖುಷಿಯಲ್ಲಿದ್ದರು. ಹೊರಗೆ ಬಂದ ಬಳಿಕ ದಂಪತಿಗಳಿಬ್ಬರೂ ಮಾಧ್ಯಮಗಳತ್ತ ಕೈಬೀಸಿ, ನಮಸ್ಕಾರ ತಿಳಿಸಿ ಒಳ ನಡೆದರು.
ಕೆಲ ದಿನಗಳ ಹಿಂದಷ್ಟೇ ಇಟಲಿಯ ಲ್ಯಾಂಬಾರ್ಡಿಯಲ್ಲಿ ಕೊಂಕಣಿ ಹಾಗೂ ಸಿಂಧಿ ಶೈಲಿಯಲ್ಲಿ ಸಪ್ತಪದಿ ತುಳಿದಿದ್ದರು. ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಳಿಕ ಇದೀಗ ಭಾರತಕ್ಕೆ ಆಗಮಿಸಿದ್ದಾರೆ.
ಇನ್ನು ಬೆಂಗಳೂರು ಹಾಗೂ ಮುಂಬೈನಲ್ಲಿ ಚಿತ್ರರಂಗದ ಗಣ್ಯರು ಹಾಗೂ ಆತ್ಮೀಯರಿಗಾಗಿ ಈ ಜೋಡಿ ಆರತಕ್ಷತೆ ಸಮಾರಂಭವನ್ನು ಆಯೋಜಿಸಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos