ಚೆನ್ನೈ: ಇತ್ತೀಚಿಗೆ ತಮಿಳು ಗೀತರಚನೆಕಾರ ವೈರಮುತ್ತು ಹಾಗೂ ಗಾಯಕ ರಘು ದೀಕ್ಷಿತ್ಅವರ ವಿರುದ್ಧ ಮೀಟೂ ಆರೋಪ ಮಾಡಿ ಸುದ್ದಿಯಾಗಿದ್ದ ಗಾಯಕಿ ಚಿನ್ಮಯಿ ಶ್ರೀಪಾದ ಅವರು ಈಗ ತಮ್ಮ ಬೋಲ್ಡ್ ಮಾತಿನಿಂದ ಮತ್ತೆ ಸುದ್ದಿಯಾಗಿದ್ದಾರೆ.
ಇತ್ತೀಚಿಗೆ ಅಭಿಮಾನಿಯೊಬ್ಬ ಟ್ವೀಟ್ ಮೂಲಕ ಚಿನ್ಮಯಿ ಅವರೇ ನೀವು ತುಂಬಾ ಚೆನ್ನಾಗಿ ಹಾಡುತ್ತೀರಾ, ಬೋಲ್ಡ್ ಆಗಿದ್ದೀರಾ, ಸುಂದರವಾಗಿದ್ದೀರ ಹಾಗೂ ಆತ್ಮವಿಶ್ವಾಸವನ್ನು ಹೊಂದಿರುವುದರಿಂದ ನೀವು ಇತರರಿಗೆ ಮಾದರಿಯಾಗಿದ್ದೀರ. ಆದರೆ ಈ ಗುಣಗಳನ್ನು ಭಾರತೀಯ ಸಂಸ್ಕೃತಿಯ ಉಡುಗೆ ಅಥವಾ ಸೀರೆಯನ್ನುಟ್ಟು ಪ್ರಸ್ತುತಪಡಿಸಿದರೆ ಉತ್ತಮವಾಗಿರುತ್ತದೆ ಅಲ್ಲವೆ? ಯುವತಿಯರು ಧನಾತ್ಮಕ, ಉತ್ತಮ ಗುಣಗಳು ಹಾಗೂ ಭಾರತೀಯತೆ ಜತೆ ಸಾಗಬೇಕು ಎಂದು ಹೇಳಿದ್ದರು.
ಅಭಿಮಾನಿಗೆ ಬೋಲ್ಡ್ ಆಗಿಯೇ ಪ್ರತಿಕ್ರಿಯೆ ನೀಡಿರುವ ಚಿನ್ಮಯಿ ಅವರು, ನಾನು ಯಾವಾಗ ಸೀರೆ ಉಡುತ್ತೇನೆ ಆಗ ಕೆಲ ವ್ಯಕ್ತಿಗಳ ಗುಂಪು ನನ್ನ ಎದೆಯ ಭಾಗ ಹಾಗೂ ಸೊಂಟದ ಭಾಗದ ಚಿತ್ರವನ್ನು ತೆಗೆದುಕೊಂಡು ಹಸ್ತಮೈಥುನ ಮಾಡುವ ವಿಡಿಯೋವನ್ನು ಅಶ್ಲೀಲ ವೆಬ್ಸೈಟ್ಗಳಿಗೆ ಅಪ್ಲೋಡ್ ಮಾಡುವ ಸಂದೇಶ ನನಗೆ ಬರಬೇಕಾ? ಸೀರೆಯುಟ್ಟರೂ, ಜೀನ್ಸ್ ತೊಟ್ಟರೂ ನಾನು ಭಾರತೀಯಳೇ ಸರ್ ಎಂದು ರೀಟ್ವೀಟ್ ಮಾಡಿದ್ದಾರೆ.