ನಟ ರಾಣಾ ಅಭಿನಯದ ನಿರ್ದೇಶಕ ಪ್ರೇಮ್ ಮುಂದಿನ ಚಿತ್ರ "ಏಕ್ ಲವ್ ಯಾ" ಚಿತ್ರೀಕರಣವು ಬಿರುಸಿನಿಂದ ನಡೆದಿದೆ. ರೀಷ್ಮಾ ನಾಣಯ್ಯ ಹಾಗೂ ರಚಿತಾ ರಾಮ್ ಪ್ರಮುಖ ನಾಯಕಿಯರಾಗಿರುವ ಈ ಶುಟಿಂಗ್ ಸೆಟ್ ಗೆ ಈಗ ಹೊಸಮುಖವೊಂದರ ಆಗಮನವಾಗಿದೆ.

ಮಾಡೆಲ್ ಆಗಿದ್ದು ಈಗ ನಟಿಯಾಗಿರುವ ಅಂಕಿತಾ ನಾಯಕ್ "ಏಕ್ ಲವ್ ಯಾ" ಚಿತ್ರತಂಡವನ್ನು ಸೇರಿಕೊಂಡಿದ್ದಾರೆ. ಸ್ಯಾಂಡಲ್ ವುಡ್ ನಲ್ಲಿ ಇದು ಅಂಕಿತಾ ಅವರ ಮೊದಲ ಚಿತ್ರವಾಗಿರಲಿದೆ.ಇದಾಗಲೇ ಅವರು ಎರಡು ದಿನಗಳ ಶೂಟಿಂಗ್ ಮುಗಿಸಿದ್ದಾರೆ ಎಂದು ಮಾಹಿತಿ ಇದೆ.

ರಕ್ಷಿತಾ ಫಿಲ್ಮ್ ಫ್ಯಾಕ್ಟರಿ  ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಿಸಲಾಗುತ್ತಿದ್ದು ಬೆಂಗಳೂರಿನಲ್ಲಿ ಕಳೆದ 22 ದಿನಗಳಿಂದ ಚಿತ್ರೀಕರಣ ನಡೆಸುತ್ತಿರುವ ಪ್ರೇಮ್, ಫೈಟ್ ಸೀಕ್ವೆನ್ಸ್‌ ನೊಡನೆ ಮೊದಲ ಹಂತದ ಚಿತ್ರೀಕರಣ ಪೂರ್ಣಗೊಳಿಸಿದ್ದಾರೆ.ಮುಂದಿನ ಹಂತದಲ್ಲಿ ಮೈಸೂರಿನಲ್ಲಿ ಶೂಟಿಂಗ್ ನಡೆಯಲಿದ್ದು ಅಲ್ಲಿ ಚಿತ್ರದ ಹಲವು ಪ್ರಮುಖ ಭಾಗಗಳ ಚಿತ್ರೀಕರಣ ಇದೆ. ಈ ಚಿತ್ರದಲ್ಲಿ ಪ್ರೇಮ್ ತಮ್ಮ ಅಳಿಯ ರಾಣಾ  ಅವರನ್ನು ಮೊದಲ ಬಾರಿಗೆ ತೆರೆ ಮೇಲೆ ತರಲಿದ್ದಾರೆ.