ನಿರ್ದೇಶಕ ಹರಿ ಸಂತೋಷ್ ಅವರ ಮುಂದಿನ ಯೋಜನೆಯು ನಟ ಧನ್ವೀರ್ ಅಭಿನಯದ ಒಂದು ರೊಮ್ಯಾಂಟಿಕ್ ಡ್ರಾಮಾ ಆಗಿದ್ದು ಇದಕ್ಕಾಗಿ ನಟನ ಆಕ್ಷನ್ ಎಂಟರ್ಟೈನರ್ "ಬಂಪರ್" ಶೂಟಿಂಗ್ ಪ್ರಾರಂಭಕ್ಕೆ ಮುನ್ನವೇ ಕೆಲಸ ಪ್ರಾರಂಭವಾಗಲಿದೆ. ಚಿತ್ರಕ್ಕೆ "ಬೈ 2 ಲವ್" ಎಂದು ಹೆಸರಿಡಲಾಗಿದ್ದು ನಿರ್ದೇಶಕರೇ ಚಿತ್ರಕ್ಕೆ ಕಥೆಯನ್ನೂ ಬರೆದಿದ್ದಾರೆ.
ರೋಮ್ಯಾಂಟಿಕ್ ಹಿನ್ನೆಲೆಯ ಈ ಚಿತ್ರದಲ್ಲಿ ಧನ್ವೀರ್ ಗೆ ಜೋಡಿಯಾಗಿ "ಕಿಸ್" ನಾಯಕಿ ಶ್ರೀಲೀಲಾ ಕಾಣಿಸಿಕೊಳ್ಳುತ್ತಿದ್ದಾರೆ. ಎಪಿ ಅರ್ಜುನ್ ನಿರ್ದೇಶನದ ಚಿತ್ರದ ಮೂಲಕ ಅಭಿನಯ ಕ್ಷೇತ್ರಕ್ಕೆ ಆಗಮಿಸಿದ್ದ ನಟಿಇತ್ತೀಚೆಗೆ ಧ್ರುವ ಸರ್ಜಾ ಅವರ :ದುಬಾರಿ"ಚಿತ್ರಕ್ಕೆ ಸಹಿ ಹಾಕಿದ್ದಾರೆ.
"ಬೈ 2 ಲವ್" ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ಹೊಸ ಜೋಡಿಯೊಂದನ್ನು ಪರಿಚಯಿಸಲಿದೆ. ನಿರ್ದೇಶಕ ಸುನಿಯ"ಬಜಾರ್" ಮೂಲಕ ನಾಯಕ ನಟನಾದ ಧನ್ವೀರ್ ಎರಡನೇ ಬಾರಿಗೆ ಬೆಳ್ಳಿ ಪರದೆಯಲ್ಲಿಕಾಣಿಸಿಕೊಳ್ಳಲಿದ್ದಾರೆ. "ಅಲೆಮಾರಿ", "ಕಾಲೇಜ್ ಕುಮಾರ್" ನಂತಹಾ ಚಿತ್ರಗಳ ನಿರ್ದೇಶಕ ಹರಿ ಸಂತೋಷ್ ಅವರ "ಬೈ 2 ಲವ್" ಅನ್ನು ಕೆವಿಎನ್ ಪ್ರೊಡಕ್ಷನ್ ಮತ್ತು ಸುಪ್ರೀತ್ ಪ್ರೊಡಕ್ಷನ್ ಜಂಟಿಯಾಗಿ ನಿರ್ಮಾಣ ಮಾಡುತ್ತಿದೆ. ಇದಾಗಲೇ ಪ್ರಿ-ಪ್ರೊಡಕ್ಷನ್ ಕೆಲಸದಲ್ಲಿ ನಿರತರಾಗಿರುವ ತಂಡವು ಜನವರಿ 4 ರಂದು ಚಿತ್ರೀಕರಣ ಪ್ರಾರಂಭಿಸಲಿದೆ.
ಚಿತ್ರಕ್ಕೆ ಅಜನೀಶ್ ಬಿ ಲೋಕನಾಥ್ ಸಂಗೀತ ಸಂಯೋಜನೆ ಇದ್ದರೆ ಮಹೇಂದ್ರ ಸಿಂಹ ಡಿಒಪಿ ಆಗಿ ಕಾರ್ಯನಿರ್ವಹಿಸಲಿದ್ದಾರೆ.