ಚೆನ್ನೈ: ನಟ ಮತ್ತು ವೈದ್ಯರೂ ಆಗಿದ್ದ ಸೇತುರಾಮನ್ ನಿಧನರಾಗಿದ್ದಾರೆ. ಇವರು ಚಿತ್ರರಂಗದಲ್ಲಿ ಸೇತು ಅಂತಲೇ ಫೇಮಸ್ ಆಗಿದ್ದರು. ವೈದ್ಯರಾಗಿದ್ದ ಸೇತು 'ಕನ್ನ ಲಡ್ಡು ತಿನ್ನ ಆಸಯ್ಯ' ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ನೀಡಿದ್ದರು. 'ವಾಲಿಬ ರಾಜ', 'ಸಕ್ಕ ಪೊಡು ಪೊಡು ರಾಜ', '50/50' ಸಿನಿಮಾಗಳಲ್ಲಿ ನಟಿಸಿದ್ದರು.
ನಿನ್ನೆ 8.45ರ ಹೊತ್ತಿಗೆ ಸೇತುವಿಗೆ ಹೃದಯಾಘಾತ ಆಗಿದೆ. ಹಾಗೆಯೇ ಅವರು ನಿಧನರಾಗಿದ್ದಾರೆ. ಈ ಯುವ ನಟನ ಸಾವಿನ ಸುದ್ದಿ ಕೇಳಿ ಕುಟುಂಬ, ಸ್ನೇಹಿತರು, ತಮಿಳು ಚಿತ್ರರಂಗಕ್ಕೆ ಶಾಕ್ ಆಗಿದೆ. ಇವರಿಗೆ ಪತ್ನಿ ಮತ್ತು ಮಗುವಿದೆ. ಅನಾರೋಗ್ಯ ಸಮಸ್ಯೆಯಿಂದಾಗಿ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸಾಕಷ್ಟು ಬಳಲಿದ್ದರು ಎನ್ನಲಾಗಿತ್ತು.