ನಟ ಪ್ರಮೋದ್ ಪ್ರಶಾಂತ್ ನೀಲ್ ನಿರ್ದೇಶನದ 'ಸಲಾರ್'ನ ಭಾಗವಾಗಿದ್ದಾರೆ ಎಂಬ ಸುದ್ದಿಯ ನಂತರ, ಭಜರಂಗಿ ಲೋಕಿ ಎಂದೇ ಖ್ಯಾತರಾಗಿರುವ ನಟ ಸೌರವ್ ಲೋಕೇಶ್ ಅವರು ಪ್ರಭಾಸ್ ಅಭಿನಯದ ಚಿತ್ರತಂಡವನ್ನು ಸೇರಿಕೊಂಡಿದ್ದಾರೆ. ಇದರಲ್ಲಿ ಪೃಥ್ವಿರಾಜ್, ಶ್ರುತಿ ಹಾಸನ್, ಜಗಪತಿ ಬಾಬು, ಮತ್ತು ಶ್ರೀಯಾ ರೆಡ್ಡಿ ಇತರರು ಇದ್ದಾರೆ.
ಸಲಾರ್ ಇತ್ತೀಚೆಗೆ ಬೆಂಗಳೂರಿನ ಐಷಾರಾಮಿ ಸ್ಥಳವೊಂದರಲ್ಲಿ ಚಿತ್ರೀಕರಣ ಮಾಡಿ ಸುದ್ದಿಯಲ್ಲಿತ್ತು. ಆದರೆ, ನಟ ಪ್ರಭಾಸ್ ಆ ಚಿತ್ರೀಕರಣದ ಭಾಗವಾಗಿರಲಿಲ್ಲ ಎಂದು ಹೇಳಲಾಗಿದೆ. ಈ ಚಿತ್ರೀಕರಣದಲ್ಲಿ ಲೋಕಿ ಸೇರಿದ್ದರು ಎನ್ನಲಾಗಿದ್ದು, ಶೀಘ್ರದಲ್ಲೇ ಚಿತ್ರತಂಡ ಅಧಿಕೃತ ಘೋಷಣೆ ಮಾಡಲಿದೆ.
ಲೋಕಿ ಅವರು ಪ್ರಧಾನವಾಗಿ ಕನ್ನಡ ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ ಮತ್ತು ಕೊನೆಯದಾಗಿ ಶಿವರಾಜಕುಮಾರ್ ಅವರ ಭಜರಂಗಿ 2 ನಲ್ಲಿ ಕಾಣಿಸಿಕೊಂಡಿದ್ದರು. ಅವರು ಆಚಾರ್ಯ, ನಚ್ಚಿಂದಿ ಗರ್ಲ್ ಫ್ರೆಂಡು ಮತ್ತು ಘೋಡಾದಂತಹ ಸಿನಿಮಾ ಮೂಲಕ ಟಾಲಿವುಡ್‌ಗೆ ಪ್ರವೇಶ ಮಾಡಿದ್ದಾರೆ.
ಸಲಾರ್, ವಿಜಯ್ ಕಿರಗಂದೂರು ಅವರ ಬೆಂಬಲದೊಂದಿಗೆ ಹೊಂಬಾಳೆ ಫಿಲಂಸ್‌ನ ಮುಂದಿನ ಪ್ಯಾನ್ ಇಂಡಿಯಾ ಸಿನಿಮಾವಾಗಿದೆ. ಚಿತ್ರಕ್ಕೆ ಭುವನ್ ಗೌಡ ಅವರ ಛಾಯಾಗ್ರಹಣವಿದ್ದು, ರವಿ ಬಸ್ರೂರ್ ಸಂಗೀತ ನೀಡಿದ್ದಾರೆ. ಚಿತ್ರವು ಸೆಪ್ಟೆಂಬರ್ 28 ರಂದು ಥಿಯೇಟರ್‌ಗಳಲ್ಲಿ ಬರುವ ನಿರೀಕ್ಷೆಯಿದೆ.