ಬೆಂಗಳೂರು: ಅನಿರೀಕ್ಷಿತ ಬೆಳವಣಿಗೆಯೊಂದರಲ್ಲಿ, ನಟಿ ಪ್ರಥಮಾ ಪ್ರಸಾದ್ ಅವರು 'ಬಿಗ್ ಬಾಸ್' ಮನೆಗೆ ಪ್ರವೇಶಿಸುವ ಮುನ್ನವೇ, ಮೊದಲ ವಾರದಲ್ಲೇ ರಿಯಾಲಿಟಿ ಶೋನಿಂದ ಹೊರಬಿದ್ದಿದ್ದಾರೆ. ಈ ಮೂಲಕ ಮನೆಗೆ ಕಾಲಿಡದೆಯೇ ಎಲಿಮಿನೇಟ್ ಆದ ಮೊದಲ ಸ್ಪರ್ಧಿ ಎಂಬ ಇತಿಹಾಸ ಸೃಷ್ಟಿಸಿದ್ದಾರೆ.

ಬಿಗ್ ಬಾಸ್ ಮನೆಯಿಂದ ಹೊರಬಂದ ಬಳಿಕ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಪೋಸ್ಟ್ ಮಾಡಿರುವ ಪ್ರಥಮಾ, ತಮಗೆ ವೋಟ್ ಮಾಡಿದ ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ.

ಎಲ್ಲರಿಗೂ ಗೌರಿ-ಗಣೇಶ ಹಬ್ಬದ ಹಾರ್ದಿಕ ಶುಭಾಶಯಗಳು. ಹೌದು, ಬಿಗ್ ಬಾಸ್ ಮನೆಯಿಂದ ಮೊದಲನೇ ವಾರವೇ ಎಲಿಮಿನೇಟ್ ಆಗಿ ಹೊರಬಂದಿದ್ದೇನೆ. ಆದರೆ ಯಾವುದೇ ಕಾರಣಕ್ಕೂ ಇದನ್ನ ಸೋಲು ಎಂದು ಭಾವಿಸುವುದಿಲ್ಲ. ಏಕೆಂದರೆ ಈ ಒಂದು ವಾರದಲ್ಲಿ ನಾನು ನನ್ನ ಬೆಸ್ಟ್ ಫರ್ಮಾಮೆನ್ಸ್ ಅನ್ನು ನೀಡಿದ್ದೀನಿ ಎಂದಿದ್ದಾರೆ.

ಮುಂದುವರಿದು, ನಿಮ್ಮೆಲ್ಲರ ಪ್ರೀತಿ- ಸಪೋರ್ಟ್ ಇನ್ನೂ ಹೆಚ್ಚಾಗಿದೆ ಎಂದು ಭಾವಿಸಿದ್ದೇನೆ. ನೀವು ವೋಟ್ ಮಾಡಿದ್ದೀರಿ, ನನ್ನನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿದ್ದೀರಿ. ಅದಕ್ಕಾಗಿ ನಿಮಗೆ ಹೃತ್ಪೂರ್ವಕ ಧನ್ಯವಾದಗಳು. ಇನ್ನೂ ಕೆಲವರು ವೋಟ್ ಮಾಡಿಲ್ಲ ಆದರೆ ಹೇಟ್ ಮಾಡಿದ್ದೀರಿ. ಅದು ನಿಮ್ಮಿಷ್ಟ. ನಾನು ಅದರ ಬಗ್ಗೆ ಚರ್ಚೆ ಮಾಡುವುದಿಲ್ಲ. ಆದರೆ, ತುಂಬಾ ಕೆಟ್ಟದಾದ ಪದಗಳನ್ನು ಬಳಸಿ ನೋವಾಗುವ ತರಹ ವಿಡಿಯೋಗಳನ್ನು ಮಾಡಿದ್ದೀರಿ. ಆಗಲಿ, ಅದು ನಿಮ್ಮಿಷ್ಟ ಅದರಿಂದಲೇ ನಿಮ್ಮ ಮನೆ ನಡೆಯುತ್ತೆ ಎಂದರೆ ಸಂತೋಷ. ಇನ್ನೂ ಮುಂದೆಯೂ ನಾನು ನಿಮ್ಮನ್ನ ಮನರಂಜಿಸುತ್ತೇನೆ ಎಂದು ಹೇಳಿದ್ದಾರೆ.

ಕಿರಣ್ ಶಾಸ್ತ್ರಿ, ವೈಷ್ಣವಿ, ಅವಿನಾಶ್ ಮತ್ತು ಧನುಷ್ ಅವರೊಂದಿಗೆ ಮೊದಲ ವಾರದ ಎಲಿಮಿನೇಷನ್‌ಗೆ ನಾಮನಿರ್ದೇಶನಗೊಂಡಿದ್ದ ಸ್ಪರ್ಧಿಗಳಲ್ಲಿ ಪ್ರಥಮಾ ಕೂಡ ಒಬ್ಬರಾಗಿದ್ದರು. ಅತಿ ಕಡಿಮೆ ಮತಗಳನ್ನು ಪಡೆದ ನಂತರ, ಅವರನ್ನು ಎಲಿಮಿನೇಟ್ ಮಾಡಲಾಯಿತು. ಪ್ರಥಮಾ ಅವರಿಗೆ ₹3 ಲಕ್ಷ ನಗದು ಬಹುಮಾನ ನೀಡಲಾಯಿತು.