ಬೆಂಗಳೂರು: ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್-ಭಾರತ ನಡುವಿನ ಟಿ20 ಸರಣಿಯ ನಿರ್ಣಾಯಕ ಪಂದ್ಯ ನಡೆಯಿತು. ಈ ಪಂದ್ಯವನ್ನು ಟೀ ಇಂಡಿಯಾ ಗೆಲ್ಲುವ ಮೂಲಕ ಸರಣಿ ಕೈವಶ ಮಾಡಿಕೊಂಡಿತು. 

* ಟೀಂ ಇಂಡಿಯಾದ ಬೌಲರ್ ಗಳು ಕೊನೆ 8 ರನ್ ಗೆ ಇಂಗ್ಲೆಂಡ್ ನ 8 ವಿಕೆಟ್ ಪಡೆದಿದ್ದು, ದಾಖಲೆಯಾಗಿದೆ.

* ಟೀಂ ಇಂಡಿಯಾ ಆಟಗಾರನೊಬ್ಬ ಅಂತಾರಾಷ್ಟ್ರೀಯ ಟಿ20 ಪಂದ್ಯವೊಂದರಲ್ಲಿ 6 ವಿಕೆಟ್ ಕಿತ್ತ ಸಾಧನೆ ಮಾಡಿದರು. ಐಪಿಎಲ್ ಫ್ರಾಂಚೈಸಿಯ ಆರ್ಸಿಬಿ ತಂಡದಲ್ಲಿ ಆಡುವ ಯಜುವೇಂದ್ರ ಚಹಾಲ್ ತಮ್ಮ ತವರು ನೆಲದಲ್ಲಿ ಈ ಸಾಧನೆ ಮಾಡಿದರು. 

* 202 ರನ್ ಚಿನ್ನಸ್ವಾಮಿಯಲ್ಲಿ ನಡೆದ ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳ ಪೈಕಿ ದಾಖಲಾದ ಅಧಿಕ ಮೊತ್ತ ಇದಾಗಿದೆ. ಇದಕ್ಕೂ ಮೊದಲು ಕಳೆದ ವರ್ಷ ನಡೆದ ಟಿ20 ವಿಶ್ವಕಪ್ ಟೂರ್ನಿ ವೇಳೆ ಆಸ್ಟ್ರೇಲಿಯಾ ತಂಡ ಬಾಂಗ್ಲಾದೇಶ ವಿರುದ್ಧ 157 ರನ್ ಗಳಿಸಿದ್ದೇ ಅಧಿಕ ಮೊತ್ತವಾಗಿತ್ತು. 

* ಟೀಂ ಇಂಡಿಯಾ ಪರ 19ನೇ ವಯಸ್ಸಿಗೆ ಟಿ20 ಪಂದ್ಯವಾಡಿದ ಕಿರಿಯ ಆಟಗಾರ ಎನ್ನುವ ಗೌರವಕ್ಕೆ ರಿಷಭ್ ಪಂತ್ ಭಾಜನರಾದರು.