ಮೊಹಮ್ಮದ್ ಶಮಿ ಹಾಗೂ ಹಸೀನ್ ಜಹಾನ್
ಮುಂಬೈ: ದೆಹಲಿ ಡೇರ್ ಡೆವಿಲ್ಸ್ ಸಿಇಒ ಅವರನ್ನು ಭೇಟಿಯಾಗಿರುವ ಭಾರತೀಯ ಕ್ರಿಕೆಟಿಗ ಮೊಹಮ್ಮದ್ ಶಮಿ ಪತ್ನಿ ಹಸೀನ್ ಜಹಾನ್ ಅವರು, ತಮ್ಮ ಪತಿಯನ್ನು ಐಪಿಎಲ್ ನಿಂದ ದೂರವಿಡುವಂತೆ ಮನವಿ ಮಾಡಿಕೊಂಡಿದ್ದಾರೆಂದು ಭಾನುವಾರ ತಿಳಿದುಬಂದಿದೆ.
ದೆಹಲಿ ಡೇರ್'ಡೆವಿಲ್ಸ್ ಸಿಇಒ ಹೇಮಂತ್ ದುವಾ ಅವರನ್ನು ಭೇಟಿ ಮಾಡಿರುವ ಹಸೀನ್ ಜಹಾನ್ ಅವರು, ಮುಂದಿನ ಐಪಿಎಲ್ ನಲ್ಲಿ ಪತಿ ಮೊಹಮ್ಮದ್ ಶಮಿಯವರಿಗೆ ಅವಕಾಶ ಮಾಡಿಕೊಡದಂತೆ ಮನವಿ ಮಾಡಿಕೊಂಡಿದ್ದಾರೆಂದು ವರದಿಗಳು ತಿಳಿಸಿವೆ.
ನಾನು ನನ್ನ ಅನಿಸಿಕೆಗಳನ್ನು ಹೇಮಂತ್ ಅವರ ಮುಂದಿಟ್ಟಿದ್ದೇನೆ. ಪ್ರಸ್ತುತ ಕುಟುಂಬದಲ್ಲಿ ಎದುರಾಗಿರುವ ಸಮಸ್ಯೆಗಳು ಪರಿಹಾರಗೊಳ್ಳುವವರೆಗೂ ಐಪಿಎಲ್ ನಲ್ಲಿ ಆಡಲು ಆವಕಾಶ ನೀಡದಂತೆ ಮನವಿ ಮಾಡಿಕೊಂಡಿದ್ದೇನೆಂದು ಹಸೀನ್ ಹಜಾನ್ ಅವರು ಹೇಳಿದ್ದಾರೆ.
ಕೆಲ ದಿನಗಳ ಹಿಂದಷ್ಟೇ ಪತಿ ಮೊಹಮ್ಮದ್ ಶಮಿ ಅವರು ಅನೈತಿಕ ಸಂಬಂಧವನ್ನು ಹೊಂದಿದ್ದು, ಕಿರುಕುಳ ನೀಡುತ್ತಿದ್ದಾರೆಂದು ಆರೋಪ ಮಾಡಿದ್ದರು. ಅಲ್ಲದೆ, ಮ್ಯಾಚ್ ಫಿಕ್ಸಿಂಗ್ ನಲ್ಲಿ ಭಾಗಿಯಾಗಿದ್ದಾರೆಂದು ಆರೋಪಿಸಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics