ನವದೆಹಲಿ: ಟೀಂ ಇಂಡಿಯಾದ ಸಾರ್ವಕಾಲಿಕ ಶ್ರೇಷ್ಠ ಲೆಗ್ ಸ್ಪಿನ್ನರ್ ಅನಿಲ್ ಕುಂಬ್ಳೆ ಅವರು 1999ರಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ವಿರುದ್ಧದ ಟೆಸ್ಟ್ ಪಂದ್ಯದ ಇನ್ನಿಂಗ್ಸ್ ಒಂದರಲ್ಲಿ ಎಲ್ಲಾ 10 ವಿಕೆಟ್ ಪಡೆದು ವಿಶ್ವದಾಖಲೆ ನಿರ್ಮಿಸಿದ್ದರು. ಇದೀಗ ಈ ದಾಖಲೆಯನ್ನು 19 ವರ್ಷದ ಯುವ ಕ್ರಿಕೆಟಿಗರ ಸರಿಗಟ್ಟಿದ್ದಾರೆ. 

ಅಂಡರ್23ಯ ಕಲ್ನಲ್ ಸಿಕೆ ನಾಯ್ಡು ಟ್ರೋಫಿಯಲ್ಲಿ ಪುದುಚೇರಿ ತಂಡದ ಯುವ ಸ್ಪಿನ್ ಬೌಲರ್ ಸಿದಕ್ ಸಿಂಗ್ ಮಣಿಪುರ ತಂಡದ ಎಲ್ಲ 10 ವಿಕೆಟ್ ಕಿತ್ತು ದೇಶಿ ಕ್ರಿಕೆಟ್ ನಲ್ಲಿ ನೂತನ ದಾಖಲೆ ಬರೆದಿದ್ದಾರೆ. ಜೊತೆಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಕುಂಬ್ಳೆ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ. 

ಸಿದಕ್ ಸಿಂಗ್ 17.5 ಓವರ್ ಬೌಲಿಂಗ್ ಮಾಡಿದ್ದು ಅದರಲ್ಲಿ 7 ಮೇಡನ್ ಜತೆ ಕೇವಲ 31 ರನ್ ನೀಡಿ 10 ವಿಕೆಟ್ ಕಬಳಿಸಿದ್ದಾರೆ. ಪರಿಣಾಮ ತಂಡ ಕೇವಲ 71 ರನ್ ಗಳಿಗೆ ಆಲೌಟ್ ಆಯಿತು.