ಬೆಂಗಳೂರು: ಬೌಂಡರಿ ಗೆರೆಯಲ್ಲಿ ಡುಪ್ಲೇಸಿಸ್ ಮತ್ತು ಧ್ರುವ ಸೇರಿ ಅದ್ಭುತ ಕ್ಯಾಚ್ ಹಿಡಿದ ಪರಿಣಾಮ ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದ ಆರ್ಸಿಬಿಯ ಸ್ಟೋಯ್ನಿಸ್ ಪೆವಿಲಿಯನ್ ಸೇರುವಂತಾಯಿತು.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಚೆನ್ನೈ ತಂಡದ ಆಟಗಾರ ಡುಪ್ಲೇಸಿಸ್ ಸಿಕ್ಸರ್ ಹೋಗುತ್ತಿದ್ದ ಚೆಂಡನ್ನು ಡೈವ್ ಮಾಡಿ ಹಿಡಿದರು. ಇನ್ನೇನು ತಾನು ಬೌಂಡರಿ ಗೆರೆಯನ್ನು ದಾಟುತ್ತೇನೆ ಎಂದು ಬಾವಿಸಿ ಕೂಡಲೇ ಚೆಂಡನ್ನು ಧ್ರುವ ಕೈಗೆಸೆದರು. ಈ ಮೂಲಕ ಸ್ಫೋಟಕ ಬ್ಯಾಟಿಂಗ್ ಮಾಡಲು ರೆಡಿಯಾಗಿದ್ದ ಸ್ಟೋಯ್ನಿಸ್ ಪೆವಿಲಿಯನ್ ಸೇರಿದರು.
ಸ್ಫೋಟಕ ಬ್ಯಾಟಿಂಗ್ ಮಾಡುತ್ತಿದ್ದ ಸ್ಟೋಯ್ನಿಸ್ ತಾಹಿರ್ ಎಸೆತವನ್ನು ಸಿಕ್ಸರ್ ಗೆ ಸಿಡಿಸಿದರು. ಆದರೆ ಸಿಕ್ಸರ್ ತಡೆದಿದ್ದು ಅಲ್ಲದೆ ಸ್ಟೋಯ್ನಿಸ್ ರನ್ನು ಔಟ್ ಮಾಡಿದ್ದಾರೆ. ಇದೀಗ ಈ ವಿಡಿಯೋ ವೈರಲ್ ಆಗಿದೆ.