ಲಂಡನ್: ಇಂಗ್ಲೆಂಡ್ ತಂಡದ ಆರಂಭಿಕ ಆಟಗಾರ ಜೇಸನ್ ರಾಯ್ ಭರ್ಜರಿ ಶತಕ ಸಿಡಿಸಿ (114ರನ್) ಪಾಕಿಸ್ತಾನದ ವಿರುದ್ಧ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ತಂಡವು ಮೂರು ವಿಕೆಟ್ ಗಳಿಂಡ ಗೆಲುವು ಸಾಧಿಸಲು ನೆರವಾಗಿದ್ದರು. ಗಮನಾರ್ಹ ಸಂಗತಿ ಎಂದರೆ ಈ ಪಂದ್ಯದ ಪ್ರಾರಂಭಕ್ಕೆ ಮುನ್ನ ಅವರು ಬರೋಬ್ಬರಿ ಏಳು ಗಂಟೆ ಕಾಲ ಆಸ್ಪತ್ರೆಯಲ್ಲಿ ಕಳೆದಿದ್ದಾರೆ.
ವಿಷಯವೆಂದರೆ ಜೇಸನ್ ರಾಯ್ಅವರ ಪ್ಪುತ್ರಿಗೆ ಅನಾರೋಗ್ಯ ಕಾಡಿದ್ದು ಅವರು ತಮ್ಮ ಪತ್ನಿಯೊಡನೆ ಮಧ್ಯರಾತ್ರಿ 1:30ಕ್ಕೆ ಆಸ್ಪತ್ರೆಗೆ ತೆರಳಿದ್ದಾರೆ .ಅಲ್ಲದೆ ಬೆಳಿಗ್ಗೆ 8:30ರವರೆಗೆ ರಾಯ್ ಆಸ್ಪತ್ರೆಯಲ್ಲಿ ಮಗಳೊಂದಿಗೇ ಇದ್ದರು.
ಆಸ್ಪತ್ರೆಯಿಂದ ಬಂದ ರಾಯ್ ಕೇವಲ ಕೆಲ ಕ್ಷಣಗಳ ಕಾಲದ ಅಭ್ಯಾಸ ನಡೆಸಿ ನೇರವಾಗಿ ಕ್ರಿಕೆಟ್ ಮೈದಾನಕ್ಕೆ ಇಳಿದಿದಿದ್ದಾರೆ. ಅಲ್ಲದೆ ಪಂದ್ಯದಲ್ಲಿ ಒಟ್ಟು 114ರನ್ಬಾರಿಸಿ ಗಮನ ಸೆಳೆದಿದ್ದಾರೆ.
ರಾತ್ರಿ ಕೇವಲ ಎರಡು ತಾಸು ನಿದ್ರೆ ಮಾಡಿದ್ದ ರಾಯ್ ತಮಗೆ ಯಾವ ರೀತಿಯಲ್ಲಿಯೂ ಆಯಾಸವಾಗಿದೆ ಎನ್ನುವುದನ್ನೂ ತೋರಿಸದೆ ರನ್ ಗಳ ಸುರಿಮಳೆಗೆರೆದಿದ್ದಾರೆ. "ಬೆಳಗಿನ ಜಾವ ತುಸು ಕಷ್ಟವೆನಿಸಿದ್ದು ಹೌದು. ಆದರೆ ಈ ಸಮಯ ನನಗೆ ಮತ್ತು ನನ್ನ ಕುಟುಂಬಕ್ಕೆ ಅತ್ಯಂತ ಮಹತ್ವದ ಕ್ಷಣವಾಗಿತ್ತು" ಎಂದು ರಾಯ್ ಬಿಬಿಸಿ ರೇಡಿಯೋಗೆ ನೀಡಿದ್ದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.
ರಾಯ್ 84 ಎಸೆತದಲ್ಲಿ 114 ರನ್ ಗಳಿಸಿತಂಡದ ಗೆಲುವಿಗೆ ಕಾರಣವಾಗಿದ್ದಲ್ಲದೆ ಪಂದ್ಯ ಪುರುಷೋತ್ತಮ ಪ್ರಶಸ್ತಿಗೆ ಸಹ ಭಾಜನರಾಗಿದ್ದಾರೆ.
ಶುಕ್ರವಾರದ ಪಂದ್ಯದಲ್ಲಿ ಇಂಗ್ಲೆಂಡ್ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ್ದ ಪಾಕಿಸ್ತಾನ 50 ಓವರ್ ಗೆ 7 ಕಿಕೆಟ್ ಕಳೆದುಕೊಂಡು 340 ರನ್ ಗಳಿಸಿತ್ತು. ಪಾಕ್ ನ ಸವಾಲು ಬೆನ್ನತ್ತಿದ ಇಂಗ್ಲೆಂಡ್ 9.3 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 341 ರನ್ ಗಳಿಸಿ ಜಯ ಗಳಿಸಿದೆ. ಈ ಮೂಲಕ ಸರಣಿಯಲ್ಲಿ 3-0 ಅಂತರದಿಂಡ ಸರಣಿಯನ್ನು ಸಹ ಕೈವಶ ಮಾಡಿಕೊಂಡಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos