ರಾಂಚಿ: ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಾಲ್ಕನೇ ಟೆಸ್ಟ್ ಪಂದ್ಯ ನಡೆಯುತ್ತಿದ್ದು ಮೊದಲ ದಿನದಾಟದ ಅಂತ್ಯಕ್ಕೆ ಇಂಗ್ಲೆಂಡ್ 7 ವಿಕೆಟ್ ಕಳೆದುಕೊಂಡು 302 ರನ್ ಗಳಿಸಿದೆ.

ಸದ್ಯ ಆಲಿ ರಾಬಿನ್ಸನ್ ಅಜೇಯ 31 ರನ್ ಹಾಗೂ ಜೋ ರೂಟ್ 106 ರನ್ ಗಳಿಸಿ ಅಜೇಯರಾಗಿದ್ದಾರೆ. ಇವರಿಬ್ಬರು 57 ರನ್‌ಗಳ ಜೊತೆಯಾಟ ನೀಡಿದ್ದಾರೆ. ಆಕಾಶ್ ದೀಪ್ ಮೂರು ವಿಕೆಟ್‌ಗಳು ಇಂಗ್ಲೆಂಡ್‌ನ ಅಗ್ರ ಕ್ರಮಾಂಕವನ್ನು ಕಿತ್ತುಹಾಕಿದ್ದರು. ಬೆನ್ ಡಕೆಟ್ (11), ಒಲಿ ಪೋಪ್ (0) ಮತ್ತು ಜಾಕ್ ಕ್ರೌಲಿ (42) ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು. ಆಕಾಶ್ ವಿಧ್ವಂಸಕ ದಾಳಿ ನಡೆಸಿದ ಬಳಿಕ ಸ್ಪಿನ್ನರ್ ಗಳ ಸರದಿ. ಅಶ್ವಿನ್, ಜಾನಿ ಬೈರ್ ಸ್ಟೋವ್ ಮತ್ತು ರವೀಂದ್ರ ಜಡೇಜಾ ಬೆನ್ ಸ್ಟೋಕ್ಸ್ ಅವರನ್ನು ಔಟ್ ಮಾಡಿ ಇಂಗ್ಲೆಂಡ್ ತಂಡದ ಅರ್ಧದಷ್ಟು ಆಟಗಾರರನ್ನು ಪೆವಿಲಿಯನ್ ಗೆ ಕಳುಹಿಸಿದರು. ಬೈರ್ಸ್ಟೋವ್ 38 ರನ್ ಮತ್ತು ಸ್ಟೋಕ್ಸ್ ಮೂರು ರನ್ ಪೇರಿಸಿದರು.

ತಮ್ಮ ವೃತ್ತಿಜೀವನದ 31ನೇ ಶತಕ ಸಿಡಿಸಿದ ಜೋ ರೂಟ್

ಮೊದಲ ಸೆಷನ್‌ನಲ್ಲಿ ಇಂಗ್ಲೆಂಡ್ 5 ವಿಕೆಟ್ ಕಳೆದುಕೊಂಡು 112 ರನ್ ಗಳಿಸಿತ್ತು. ಇದಾದ ಬಳಿಕ ಎರಡನೇ ಸೆಷನ್‌ನಲ್ಲಿ ಅಂದರೆ ಟೀ ಸಮಯದವರೆಗೆ ಜೋ ರೂಟ್ ಮತ್ತು ಬೆನ್ ಫಾಕ್ಸ್ ಯಾವುದೇ ವಿಕೆಟ್ ಬೀಳಲು ಅವಕಾಶ ನೀಡಲಿಲ್ಲ. ಆ ಅವಧಿಯಲ್ಲಿ ಅವರಿಬ್ಬರು 86 ರನ್ ಸೇರಿಸಿದರು. ಮೂರನೇ ಸೆಷನ್ ಅಂದರೆ ಟೀ ಟೈಮ್ ನಂತರ ಸಿರಾಜ್ ಟೀಮ್ ಇಂಡಿಯಾಗೆ ಪುನರಾಗಮನ ಮಾಡಿದರು. ಅವರು ರೂಟ್ ಮತ್ತು ಫಾಕ್ಸ್ ಅವರ 113 ರನ್ ಜೊತೆಯಾಟವನ್ನು ಮುರಿದರು. ಫಾಕ್ಸ್ ಅರ್ಧಶತಕವನ್ನು ತಪ್ಪಿಸಿಕೊಂಡರು. 47 ರನ್ ಗಳಿಸಿದ್ದಾಗ ಸಿರಾಜ್ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು.

ಅದೇ ಸಮಯದಲ್ಲಿ ಟಾಮ್ ಹಾರ್ಟ್ಲಿ 13 ರನ್ ಗಳಿಸಿ ಸಿರಾಜ್ ಎಸೆತದಲ್ಲಿ ಕ್ಲೀನ್ ಬೌಲ್ಡ್ ಆದರು. ರೂಟ್ ತಮ್ಮ ಟೆಸ್ಟ್ ವೃತ್ತಿಜೀವನದ 31ನೇ ಶತಕವನ್ನು ಗಳಿಸಿದರು. ಅವರು ಆಲಿ ರಾಬಿನ್ಸನ್ ಅವರೊಂದಿಗೆ ಇಂಗ್ಲೆಂಡ್ ಇನ್ನಿಂಗ್ಸ್ ಅನ್ನು ನಿಭಾಯಿಸಿದ್ದಾರೆ. ಇದುವರೆಗೆ ಆಕಾಶ್ ಭಾರತದಿಂದ ಗರಿಷ್ಠ ಮೂರು ವಿಕೆಟ್ ಪಡೆದಿದ್ದಾರೆ. ಅದೇ ವೇಳೆ ಸಿರಾಜ್ ಎರಡು ವಿಕೆಟ್ ಪಡೆದರು. ರವೀಂದ್ರ ಜಡೇಜಾ ಮತ್ತು ಅಶ್ವಿನ್ ತಲಾ ಒಂದು ವಿಕೆಟ್ ಪಡೆದರು. ಮೂರನೇ ಅವಧಿಯಲ್ಲಿ ಇಂಗ್ಲೆಂಡ್ 29 ಓವರ್‌ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡು 104 ರನ್ ಗಳಿಸಿತು.

ಚೊಚ್ಚಲ ಪಂದ್ಯದಲ್ಲೇ ಮೂರು ವಿಕೆಟ್ ಪಡೆದ ಆಕಾಶ್ ದೀಪ್

ಭಾರತ vs ಇಂಗ್ಲೆಂಡ್ ಸರಣಿಯ ನಾಲ್ಕನೇ ಪಂದ್ಯದ ಮೂಲಕ ವೇಗದ ಬೌಲರ್ ಆಕಾಶ್ ದೀಪ್ ಪಾದಾರ್ಪಣೆ ಮಾಡಿದ್ದು ಮೂರು ವಿಕೆಟ್ ಪಡೆದರು. ಆಕಾಶ್ ಬೆನ್ ಡಕೆಟ್ (11), ಒಲಿ ಪೋಪ್ (0) ಮತ್ತು ಜಾಕ್ ಕ್ರೌಲಿ (42) ಅವರನ್ನು ಪೆವಿಲಿಯನ್ ಗೆ ಕಳುಹಿಸಿದರು.