ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟರ್ ಸ್ಮೃತಿ ಮಂಧಾನ ಅವರು ಟೆಸ್ಟ್, ಏಕದಿನ ಮತ್ತು ಟಿ20 ಅಂತರರಾಷ್ಟ್ರೀಯ ಮೂರು ಸ್ವರೂಪಗಳಲ್ಲಿ ಶತಕ ಗಳಿಸಿದ ಏಕೈಕ ಭಾರತೀಯ ಮಹಿಳಾ ಆಟಗಾರ್ತಿ ಎಂಬ ಖ್ಯಾತಿಗೆ ಭಾಜನರಾಗಿದ್ದಾರೆ. ನಾಟಿಂಗ್‌ಹ್ಯಾಮ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಮಂದಾನ ತಮ್ಮ ಟಿ20 ಅಂತರರಾಷ್ಟ್ರೀಯ ವೃತ್ತಿಜೀವನದ ಮೊದಲ ಶತಕವನ್ನು 51 ಎಸೆತಗಳಲ್ಲಿ ಗಳಿಸಿದರು. ಇದಕ್ಕೂ ಮೊದಲು, ಈ ಸ್ವರೂಪದಲ್ಲಿ ಅವರ ಅತ್ಯುತ್ತಮ ರನ್ 87 ಆಗಿತ್ತು.

ಇಲ್ಲಿಯವರೆಗೆ, ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಎಲ್ಲಾ ಸ್ವರೂಪಗಳಲ್ಲಿ ಕೇವಲ 5 ಮಹಿಳಾ ಕ್ರಿಕೆಟಿಗರು ಶತಕ ಗಳಿಸಿದ್ದಾರೆ. ಅವರಲ್ಲಿ ಹೀದರ್ ನೈಟ್, ಟ್ಯಾಮಿ ಬ್ಯೂಮಾಂಟ್, ಲಾರಾ ವೋಲ್ವಾರ್ಡ್ ಮತ್ತು ಬೆತ್ ಮೂನಿ ಸೇರಿದ್ದಾರೆ. ಇಂದು ಮಂಧಾನ ಕೂಡ ಈ ಪಟ್ಟಿಯ ಭಾಗವಾಗಿದ್ದಾರೆ. ಇದು ಮಾತ್ರವಲ್ಲದೆ, ಎಲ್ಲಾ ಸ್ವರೂಪಗಳಲ್ಲಿ ವಿದೇಶದಲ್ಲಿ ಶತಕ ಗಳಿಸಿದ ಏಕೈಕ ಮಹಿಳಾ ಕ್ರಿಕೆಟಿಗ ಕೂಡ ಅವರು. ಪುರುಷರ ಕ್ರಿಕೆಟ್‌ನಲ್ಲಿ, ಕೆಎಲ್ ರಾಹುಲ್ ಮತ್ತು ರೋಹಿತ್ ಶರ್ಮಾ ಮಾತ್ರ ಇದನ್ನು ಮಾಡಲು ಸಾಧ್ಯವಾಗಿದೆ.

ಮಹಿಳಾ ಟಿ20 ಅಂತರರಾಷ್ಟ್ರೀಯ ಪಂದ್ಯದಲ್ಲಿ ಅತಿ ವೇಗದ ಶತಕ ಗಳಿಸಿದ ನಾಲ್ಕನೇ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಸ್ಮೃತಿ ಮಂಧಾನ ಪಾತ್ರರಾಗಿದ್ದಾರೆ. ಈ ಸಂದರ್ಭದಲ್ಲಿ, ಅವರು ಮೇಗ್ ಲ್ಯಾನಿಂಗ್ ಅವರನ್ನು ಸರಿಗಟ್ಟಿದ್ದಾರೆ. ಮಹಿಳಾ ಟಿ20ಐನಲ್ಲಿ ಅತಿ ವೇಗದ ಶತಕ ಗಳಿಸಿದ ದಾಖಲೆಯನ್ನು ಡಿಯಾಂಡ್ರಾ ಡಾಟಿನ್ ಹೊಂದಿದ್ದಾರೆ. 2010ರಲ್ಲಿ ಅವರು ದಕ್ಷಿಣ ಆಫ್ರಿಕಾ ವಿರುದ್ಧ 38 ಎಸೆತಗಳಲ್ಲಿ ಶತಕ ಗಳಿಸಿದರು. ಈ ಪಟ್ಟಿಯಲ್ಲಿ, ಟ್ಯಾಮಿ ಬ್ಯೂಮಾಂಟ್ ಎರಡನೇ ಸ್ಥಾನದಲ್ಲಿದ್ದರೆ ಮತ್ತು ಹರ್ಮನ್‌ಪ್ರೀತ್ ಕೌರ್ ಮೂರನೇ ಸ್ಥಾನದಲ್ಲಿದ್ದಾರೆ.

ಮಹಿಳಾ ಟಿ20ಐನಲ್ಲಿ ಅತಿ ವೇಗದ ಶತಕ

38 ಎಸೆತಗಳು: ಡಿಯಾಂಡ್ರಾ ಡಾಟಿನ್- ಬಾಸ್ಸೆಟೆರೆ, 2010

47 ಎಸೆತಗಳು: ಟ್ಯಾಮಿ ಬ್ಯೂಮಾಂಟ್- ಟೌಂಟನ್, 2018

49 ಎಸೆತಗಳು: ಹರ್ಮನ್‌ಪ್ರೀತ್ ಕೌರ್- ಪ್ರಾವಿಡೆನ್ಸ್, 2018

51 ಎಸೆತಗಳು: ಮೆಗ್ ಲ್ಯಾನಿಂಗ್- ಚೆಲ್ಮ್ಸ್‌ಫೋರ್ಡ್, 2019

51 ಎಸೆತಗಳು: ಸ್ಮೃತಿ ಮಂಧಾನ- ಟ್ರೆಂಟ್ ಬ್ರಿಡ್ಜ್, 2025