2027ರ ಏಕದಿನ ವಿಶ್ವಕಪ್ ನಂತರ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ವೃತ್ತಿಜೀವನವು ಕೊನೆಗೊಳ್ಳಲಿದೆ. ಈಗಾಗಲೇ ಅಂತರರಾಷ್ಟ್ರೀಯ ಟಿ20 ಮತ್ತು ಟೆಸ್ಟ್ ಕ್ರಿಕೆ‌ಟ್‌ಗೆ ನಿವೃತ್ತಿ ಘೋಷಿಸಿದ್ದು, ಏಕದಿನ ಮಾದರಿಯಲ್ಲಿ ಮಾತ್ರ ಸಕ್ರಿಯರಾಗಿದ್ದಾರೆ. ಏಕದಿನ ವಿಶ್ವಕಪ್ 2027ರ ನಂತರ ಏಕದಿನ ಮಾದರಿಗೂ ನಿವೃತ್ತಿ ಘೋಷಿಸಲಿದ್ದಾರೆ ಎನ್ನಲಾಗಿದೆ. ಹೀಗಾಗಿ, ಕ್ರಿಕೆಟ್ ಸಮುದಾಯವು ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳುವ ಮೊದಲು 18 ತಿಂಗಳುಗಳ ಕಾಲ ಅವರನ್ನು ಆಚರಿಸಲು ಮುಂದಾಗಿದೆ.

ನ್ಯೂಜಿಲೆಂಡ್, ಶ್ರೀಲಂಕಾ ಮತ್ತು ಐರ್ಲೆಂಡ್ ಕ್ರಿಕೆಟ್ ಮಂಡಳಿಗಳು ಇದನ್ನು ಅರಿತುಕೊಂಡಿವೆ. ಅದಕ್ಕಾಗಿಯೇ ಮುಂಬರುವ ಪ್ರವಾಸಗಳಲ್ಲಿ ಹೆಚ್ಚಿನ ಏಕದಿನ ಪಂದ್ಯಗಳನ್ನು ಸೇರಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ (ಬಿಸಿಸಿಐ) ವಿನಂತಿ ಮಾಡಿವೆ.

T20Iಗಳನ್ನು ಏಕದಿನಗಳಿಗೆ ಪರಿವರ್ತಿಸಲು ಐರ್ಲೆಂಡ್, ಶ್ರೀಲಂಕಾ ಮನವಿ

ಇಂಡಿಯನ್ ಎಕ್ಸ್‌ಪ್ರೆಸ್ ಪ್ರಕಾರ, ಕ್ರಿಕೆಟ್ ಐರ್ಲೆಂಡ್ ಮತ್ತು ಬಿಸಿಸಿಐ ತಮ್ಮ ಮುಂಬರುವ ಪ್ರವಾಸದ ವೇಳಾಪಟ್ಟಿಯನ್ನು ಅಂತಿಮಗೊಳಿಸಲು ಮಾತುಕತೆ ನಡೆಸುತ್ತಿವೆ. ಟೀಂ ಇಂಡಿಯಾ ಜುಲೈನಲ್ಲಿ ಇಂಗ್ಲೆಂಡ್ ವಿರುದ್ಧ ಆಡಲಿದೆ ಮತ್ತು ಅದೇ ಸಮಯದಲ್ಲಿ, ಮೆನ್ ಇನ್ ಬ್ಲೂ ಐರ್ಲೆಂಡ್‌ನಲ್ಲಿ ಆಡುವ ನಿರೀಕ್ಷೆಯಿದೆ. ಸರಣಿಯು ಸೌತಾಂಪ್ಟನ್ ಅಥವಾ ಐರ್ಲೆಂಡ್‌ನಲ್ಲಿ ನಡೆಯಬಹುದು.

ಕ್ರಿಕೆಟ್ ಐರ್ಲೆಂಡ್ ಜುಲೈ ಆರಂಭದಲ್ಲಿ ಅಥವಾ ಕೊನೆಯಲ್ಲಿ ODI ಸರಣಿಗೆ ಒತ್ತಾಯಿಸಿದೆ. ಬಿಸಿಸಿಐ ಈ ಬೇಡಿಕೆಯನ್ನು ಇನ್ನೂ ಒಪ್ಪಿಕೊಂಡಿಲ್ಲ. ಏಕದಿನ ಪಂದ್ಯಗಳಿಗೆ ಅನುಮೋದನೆ ದೊರೆಯದಿದ್ದರೆ, ಭಾರತ ಮತ್ತು ಐರ್ಲೆಂಡ್ ನಡುವೆ 3 ಪಂದ್ಯಗಳ ಟಿ20ಐ ಸರಣಿ ನಡೆಯಲಿದೆ.

ಆಗಸ್ಟ್‌ನಲ್ಲಿ ಭಾರತ 2 ಟಿ20 ಪಂದ್ಯಗಳನ್ನು ಆಡಲಿದೆ ಎಂದು ಶ್ರೀಲಂಕಾ ಕ್ರಿಕೆಟ್ (ಎಸ್‌ಎಲ್‌ಸಿ) ಈ ಹಿಂದೆ ಬಹಿರಂಗಪಡಿಸಿತ್ತು. 2025ರಲ್ಲಿ ದಿತ್ವಾಹ್ ಚಂಡಮಾರುತದಿಂದ ಸಂತ್ರಸ್ತರಾದವರಿಗೆ ನಿಧಿ ಸಂಗ್ರಹಿಸಲು BCCI ನಿಂದ ಸದ್ಭಾವನೆಯ ಸೂಚಕವಾಗಿದೆ. ಆದರೆ, ಈಗ SLC 3 ODIಗಳಿಗೆ ಒತ್ತಾಯಿಸುತ್ತಿದೆ. ಏಕೆಂದರೆ, ರೋಹಿತ್ ಮತ್ತು ಕೊಹ್ಲಿ ಅವರು ಅಂತರರಾಷ್ಟ್ರೀಯ ಕ್ರಿಕೆಟಿಗರಾಗಿ ಶ್ರೀಲಂಕಾಕ್ಕೆ ಪ್ರಯಾಣಿಸುವುದು ಕೊನೆಯ ಬಾರಿ ಇದಾಗಿರುತ್ತದೆ.

ಹೆಚ್ಚಿನ ODIಗಳನ್ನು ಸೇರಿಸಲು ನ್ಯೂಜಿಲೆಂಡ್ ಒತ್ತಾಯ

ನ್ಯೂಜಿಲೆಂಡ್ ಕ್ರಿಕೆಟ್ (NZC) ಆರಂಭದಲ್ಲಿ ಭಾರತದ ವಿರುದ್ಧ 2 ಟೆಸ್ಟ್, 3 ಏಕದಿನ ಮತ್ತು 5 ಟಿ20 ಪಂದ್ಯಗಳನ್ನು ನಿಗದಿಪಡಿಸಿತ್ತು. ಮುಂದಿನ 5 ವರ್ಷಗಳ ಕಾಲ ಟೀಂ ಇಂಡಿಯಾ ನ್ಯೂಜಿಲೆಂಡ್ ಪ್ರವಾಸ ಮಾಡುವ ಸಾಧ್ಯತೆ ಕಡಿಮೆ ಎಂದು ಅರಿತುಕೊಂಡ NZC, ಟೆಸ್ಟ್ ಪಂದ್ಯಗಳ ಬದಲಿಗೆ ವೈಟ್ ಬಾಲ್ ಪಂದ್ಯಗಳ ಸಂಖ್ಯೆಯನ್ನು (ಏಕದಿನ ಮತ್ತು ಟಿ20) ಹೆಚ್ಚಿಸಲು ನಿರ್ಧರಿಸಿದೆ. ಈ ತಿಂಗಳ ಆರಂಭದಲ್ಲಿ ಈ ಬದಲಾವಣೆಯನ್ನು ಮಾಡಲಾಗಿದೆ. ಏಕದಿನ ವಿಶ್ವಕಪ್‌ಗೆ ಟೀಂ ಇಂಡಿಯಾ ಸಿದ್ಧತೆ ನಡೆಸಬೇಕಾಗಿರುವುದರಿಂದ ಬಿಸಿಸಿಐ ಈ ಬೇಡಿಕೆಯನ್ನು ಒಪ್ಪಿಕೊಂಡಿದೆ.

2026-27ರ ಆವೃತ್ತಿಯ ಟೀಂ ಇಂಡಿಯಾದ ODI ವೇಳಾಪಟ್ಟಿ

vs ಅಫ್ಘಾನಿಸ್ತಾನ, ಜೂನ್ 14 ರಿಂದ 20, 3 ಪಂದ್ಯಗಳು

vs ಇಂಗ್ಲೆಂಡ್, ಜುಲೈ 14 ರಿಂದ 19, 3 ಪಂದ್ಯಗಳು

vs ವೆಸ್ಟ್ ಇಂಡೀಸ್, ಸೆಪ್ಟೆಂಬರ್-ಅಕ್ಟೋಬರ್, 3 ಪಂದ್ಯಗಳು

vs ನ್ಯೂಜಿಲೆಂಡ್, ನವೆಂಬರ್, 5 ಪಂದ್ಯಗಳು

vs ಶ್ರೀಲಂಕಾ, ಡಿಸೆಂಬರ್, 3 ಪಂದ್ಯಗಳು

ಇದು ದೃಢಪಟ್ಟಿಲ್ಲ. ಆದರೆ, ಭಾರತ ಜುಲೈನಲ್ಲಿ ಐರ್ಲೆಂಡ್ ವಿರುದ್ಧ ಮತ್ತು ಆಗಸ್ಟ್-ಸೆಪ್ಟೆಂಬರ್‌ನಲ್ಲಿ ಶ್ರೀಲಂಕಾ ವಿರುದ್ಧ ಏಕದಿನ ಸರಣಿಯನ್ನು ಆಡಬಹುದು.